මෙම වසරේ ඖෂධ වර්ග 63ක් තත්ත්ව පරීක්ෂණවලින් අසමත් වී ඇති බව සෞඛ්‍ය අමාත්‍යාංශයේ අතිරේක ලේකම් වෛද්‍ය සමන් රත්නායක පවසයි.

ඊයේ (20) අමාත්‍යාංශ ශ්‍රවණාගාරයේ පැවැති ප්‍රවෘත්ති සාකච්ඡාවකදී වෛද්‍යවරයා සඳහන් කළේ ගුණාත්මක බිඳවැටීම් සාමාන්‍ය දෙයක් තත්ත්වයක් බවත්, හඳුනාගත් ඖෂධ අතරින් ඇතැම් ඖෂධ ඉවත් කර හෝ අත්හිටුවා ඇති බවත් ය.

කෙසේ වෙතත්, ඇතැම් වෘත්තීය සමිති නියෝජිතයන් සහ ජනමාධ්‍ය විසින් මෙම ප්‍රශ්නය ආන්දෝලනයට ලක් කිරීම සම්බන්ධයෙන් එහිදී ඔහු කනස්සල්ල පළ කර ඇත.

එමෙන්ම 2017 වසරේ සිට ගුණාත්මක අසමත්වීම් 585ක් වාර්තා වී ඇති බවට වෛද්‍යවරයා විසින් දත්ත ඉදිරිපත් කර තිබේ.

වැඩිම ගුණාත්මක අසමත්වීම් වන 96ක් 2019 දී වාර්තා වී ඇති අතර, 2022 දී ඖෂධ 86 ක් තත්ත්ව පරීක්ෂණවලින් අසමත්ව තිබේ.