බීමතින් රජයේ පාසලකට බලහත්කාරයෙන් ඇතුළු වී ශිෂ්‍යාවන් ඉදිරිපිට අශෝභන ලෙස හැසිරුණු පොලිස් කොස්තාපල්වරයකු ඊයේ මල්ලාවි පොලිසිය විසින් අත්අඩංගුවට ගන්නා ලදී.

වාර්තාවන්ට අනුව, අත්අඩංගුවට ගත් නිලධාරියා මුලතිව් දිස්ත්‍රික්කයේ මල්ලාවි පොලිස් ස්ථානයට අනුයුක්තව සේවය කළ කොස්තාපල්වරයෙකි.

ශිෂ්‍යාවන් පිරිසකට හිරිහැර කරන බවට ලැබුණු පැමිණිල්ලක් මත මල්ලාවි පොලිසිය පොලිස් කොස්තාපල්වරයා අත්අඩංගුවට ගෙන තිබේ.

අත්අඩංගුවට ගත් පොලිස් කොස්තාපල්වරයා පරීක්ෂණයක් සඳහා අධිකරණ වෛද්‍ය නිලධාරියකු වෙත භාරදී ඇති අතර, පසුව ඔහු බීමතින් සිටි බව අනාවරණය විය.

රාජකාරියේ යෙදී සිටියදී බීමතින් සිටීම, බීමතින් පාසලකට බලහත්කාරයෙන් ඇතුළුවීම සහ සිසුන්ට හිරිහැර කිරීම යන චෝදනා මත පොලිස් කොස්තාපල්වරයා අත්අඩංගුවට ගෙන තිබේ.