ඖෂධ සහ ඒ ආශ්‍රිත නිෂ්පාදන ලෙස අපනයනය සඳහා ‘ත්‍රෛලෝක විජයපත්‍ර’ (ගංජා) වගාව නීතිගත කිරීම අන්තර්ජතික සම්මුතීන් උල්ලංඝනය කරනවා පමණක් නොව, එය විනෝදාත්මක භාවිතය නීතිගත කිරීමේ පළමු පියවරක් වනු ඇතැයි අන්තරායකර ඖෂධ පාලක ජාතික මණ්ඩලයේ (NDDCB) සභාපතිවරයා අනතුරු අඟවයි.

ඖෂධ සහ ඒ ආශ්‍රිත නිෂ්පාදන ලෙස අපනයනය සඳහා ගංජා වගාකිරීම පිළිබඳව සොයාබැලීම සඳහා කමිටුවක් පත්කිරීම පිළිබඳව NDDCB වෙත විධිමත් ලෙස දැනුම් දී නොමැති අතර එය කෙටි කාලයක් තුළ පාර්ලිමේන්තුවේදී සම්මත වූ බව සභාපති නීතිඥ ශාක්‍ය නානායක්කාර පවසයි.

ආයුර්වේද කොමසාරිස් ජනරාල්වරයාගේ ප්‍රධානත්වයෙන් යුත් එම කමිටුවේ පොලිස්පතිවරයාද සාමාජිකත්වය දරන බව සභාපතිවරයා සඳහන් කරයි.

අන්තරායකර ඖෂධ පාලක ජාතික මණ්ඩලය නීතිමය අධිකාරිය ලෙස, අන්තර්ජාතික සම්මුතිවලට බැඳී සිටින අතර, මත්ද්‍රව්‍ය අපනයනය කරන විට අන්තර්ජාතික මත්ද්‍රව්‍ය පාලන මණ්ඩලයට (INCB) දැනුම් දීමට බැඳී සිටී.

ශාක්‍ය නානායක්කාර මෙම පියවරට විරෝධය පළ කරමින් කියාසිටින්නේ, අනෙකුත් රටවල මෙන් එය විනෝදාස්වාද ගංජා ලෙස නුදුරේදීම දේශීය වෙළෙඳපොළට ලැබෙනු ඇති බවයි.

“අපනයනය සඳහා පමණක් අදහස් කළ BOI නිෂ්පාදන කීයක් දැන් දේශීය වෙළෙඳපොළේ තිබෙනවාද?”හෙතෙම මහතා තර්ක කරයි.

“ලේඛනවල කුමක් පැවසුවත්, ප්‍රායෝගිකව, ගංජා කළු වෙළඳපොලේ ලබාගත හැකිවනු ඇත,” ඔහු අනතුරු අඟවයි.

මුලින් වගා කිරීම ඖෂධීය නිෂ්පාදනයක් ලෙස අපනයනය සඳහා පමණක් අපේක්ෂා කළද, ඊළඟ පියවර වනුයේ දුම්පානය වැනි විනෝදාස්වාදය සඳහා ගංජා නීතිගත කිරීම බව ඔහු පෙන්වාදෙයි.(Sunday Times)