January 13, 2025
ජනාධිපති අනුර කුමාර දිසානායකගේ පාලනය රජයේ සේවා සහ වැඩසටහන් ඩිජිටල්කරණ කිරීමේ ව්‍යාපාරයේ ඉදිරියෙන්ම සිටියි.
එහෙත් ඔහු බලයට පත්වීමට පෙර හොඳින් ක්‍රියාත්මක වූ සමහර වෙබ් අඩවි දැන් හදිසියේම නඩත්තු තත්වයට ගොස් ඇති අතර ඒවාට ප්‍රවේශ විය නොහැක.
විශේෂයෙන් රජයේ ගැසට්, බිල්පත් සහ අනෙකුත් වැදගත් නිවේදන වෙත ප්‍රවේශ වීම සඳහා අත්‍යවශ්‍ය වෙබ් අඩවියක් වන රජයේ මුද්‍රණාලයේ www.documents.lk ඊට ඇතුළත් වේ.
සතියකට වැඩි කාලයක් තිස්සේ, එම වෙබ් අඩවියට පිවිසීමට උත්සාහ කරන අයට “අපි මේ මොහොතේ යම් නඩත්තුවක් සිදු කරමින් සිටිමු. අපි ඉක්මනින් නැවත අන්තර්ජාලයට එන්නෙමු!” යනුවෙන් පණිවිඩයක් ලැබේ.
ජනාධිපති කාර්යාල වෙබ් අඩවියේ තොරතුරු දැනගැනීමේ අයිතිවාසිකම් (RTI) ද්වාරය මාසයකට වැඩි කාලයක් අක්‍රිය වී ඇති අතරඑහි මුල් පිටුවේ “ළඟදීම පැමිණේ” යන පණිවිඩය දිස්වේ.
රජය ඩිජිටල්කරණය ගැන බැරෑරුම් ලෙස සිතන්නේ නම්, රජයේ වෙබ් අඩවි ක්‍රියාත්මක විය යුතු අතර, නඩත්තුව සඳහා සති ගණනක් සේවයෙන් බැහැර නොකළ යුතුය.
විශේෂයෙන් අතීතයේ හොඳින් ක්‍රියාත්මක වූ ඒවා මෙලෙස දැන් ක්‍රියාත්මක නොවන්නේ, කිසියම් සැලසුමකට අනුවදැයි සැකයක් නැගෙන්නේ එහිදීය.
42.31%
17.27%
32.76%
