July 12, 2023
රාජ්‍ය අංශය, රාජ්‍ය පරිපාලන අංශය, ස්වදේශ කටයුතු, පළාත් සභා සහ පළාත් පාලන ආයතන සඳහා රාජ්‍ය සේවකයන් පත්කිරීමේදී ත්‍රෛභාෂා නිපුණතා පිළිබඳව විශේෂ අවධානයක් යොමුකළ යුතු බව රාජ්‍ය පරිපාලන අමාත්‍යංශයේ අතිරේක ලේකම් (ජාතික භාෂා) අනුරාධ විජේකෝන් සඳහන් කරයි.
ශ්‍රී ලාංකේය සමාජය තුළ රාජ්‍ය භාෂා ප්‍රතිපත්තිය ක්‍රියාත්මක කිරීම වෙනුවෙන් සංවිධානය කර තිබූ උත්සවයකදී ඔහු කියා සිටියේ, ත්‍රෛභාෂා කුසලතා පවත්වා නොගතහොත් රාජ්‍ය ආයතන සමඟ කටයුතු කිරීමේදී සියලුම පුරවැසියන් අපහසුතාවයට පත්වන බවය.
මිනිසුන් මෙරට දූෂණයෙන් තොර රටක් බවට පත්කිරීම ගැන කතා කරන අතර, ඒ සඳහා ඔවුන්ට තවකෙකුගෙන් පිහිටක් පැතීමට සිදුවන අවස්ථා නැති කළ යුතු බව හෙතෙම සඳහන් කර ඇත.
මේ නිසා සියලුම රාජ්‍ය ආයතනවල ප්‍රධානීන් සහ නියෝජ්‍ය නිලධාරීන් රාජ්‍ය භාෂාව ක්‍රියාත්මක කරන ප්‍රධාන නිලධාරීන් බවට පත් කිරීමට අවශ්‍ය කටයුතු කර තිබෙන බවත්, ආයතන තුළ රාජ්‍ය භාෂා ප්‍රතිපත්තිය ක්‍රියාත්මක කිරීම සඳහා මැදිහත් වන නිලධාරීන් ලෙස පත් කිරීමට නියෝජ්‍ය ප්‍රධානීන්ට චක්‍රලේඛයක් මගින් බලය ලබා දී ඇති බවත්, ලේකම්වරයා වැඩිදුරටත් සඳහන් කර තිබේ.
