December 13, 2024
කථානායක අශෝක රන්වල ඉල්ලා අස්වීමට සමගාමිව ප්‍රකාශයක් කරන ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නීතිඥ නාමල් රාජපක්ෂ පවසන්නේ, අධ්‍යාපන සුදුසුකම් පිළිබඳ සාක්ෂි ඉදිරිපත් කිරීමට අපොහොසත් වුවහොත් ඉල්ලා අස්වන ලෙස ආණ්ඩුවේ මන්ත්‍රීවරුන්ගෙන් ඉල්ලා සිටින බවයි.
X පණිවිඩයක් නිකුත් කරමින් නාමල් රාජපක්ෂ පවසන්නේ, සිය අධ්‍යාපන සුදුසුකම් පිළිබඳ ප්‍රශ්න මධ්‍යයේ ඉල්ලා අස්වීමට අශෝක රන්වල ගත් තීරණය ප්‍රශංසාවට ලක්කරන බවත්, එය විනිවිදභාවය සඳහා ප්‍රශංසනීය පියවරක් බවත්ය.
කෙසේවෙතත්, තම සුදුසුකම් සම්බන්ධයෙන් ජනතාව නොමඟ යැවීමේ චෝදනා සම්බන්ධයෙන් තවමත් අවධානය යොමුකර නොමැති, විශේෂයෙන්ම ජාතික ජන බලවේගය පක්ෂයේ අනෙකුත් ආණ්ඩු පක්ෂ මන්ත්‍රීවරුන් ඔහු විවේචනය කර ඇත.
“මෙය පිරිසිදු හා විනිවිදභාවයෙන් යුත් පාර්ලිමේන්තුවක් පවත්වාගෙන යෑමේ ජනාධිපති අනුර කුමාරගේ දැක්මට පටහැනියි” යනුවෙන් නාමල් රාජපක්ෂ පවසයි.
වගකීම සඳහා වූ ප්‍රතිඥාව තහවුරු කිරීම සඳහා, අධ්‍යාපන සුදුසුකම් පිළිබඳ සාක්ෂි ඉදිරිපත් කිරීමට අපොහොසත්වන මන්ත්‍රීවරුන් වහාම ඉල්ලා අස්විය යුතු බව නීතිඥ නාමල් රාජපක්ෂ වැඩිදුරටත් අවධාරණය කරයි.
