January 24, 2025
පිටකොටුව පාවෙන වෙළෙඳපොළ දිගින් දිගටම විශාල වශයෙන් පාඩු ලබන බැවින් නාගරික සංවර්ධන අධිකාරිය යෝජනා රැසක් පිළිබඳව අවධානය යොමුකරමින් සිටින බව රජය පවසයි.
වෙළෙඳුන් සහ නාගරික සංවර්ධන අධිකාරිය ඉන් ලාභ නොව පාඩුව පමණක් ලබන බව නාගරික සංවර්ධන, ඉදිකිරීම් සහ නිවාස අමාත්‍ය අනුර කරුණාතිලක පාර්ලිමේන්තුවේදී පැවසීය.
පසුගිය ආණ්ඩු ජනමාධ්‍ය සංදර්ශන කළද පිටකොටුව පාවෙන වෙළෙඳපොළ ව්‍යාපෘතිය පාඩු ලබන බවද අමාත්‍යවරයා පෙන්වාදුන්නේය.
එමෙන්ම ඔහු පැවසුවේ, ව්‍යාපෘතිය ලාභ ලබන තත්ත්වයට ගෙන ඒම සඳහා යෝජනා රැසක් පිළිබඳව දැන් අවධානය යොමුව ඇති බවයි.
පිටකොටුව ප්‍රදේශය වාණිජ මධ්‍යස්ථානයක්, ඓතිහාසික නගරයක් සහ වාණිජ නගරයක් ලෙස සංවර්ධනය කිරීමේ රජයේ වැඩසටහනේ කොටසක් ලෙස සම්පූර්ණයෙන් ප්‍රතිසංස්කරණය කරන ලද පිටකොටුව පාවෙන වෙළඳපොළ 2021 දී විවෘත කෙරිණි,
එවකට ජනාධිපති ගෝඨාභය රාජපක්ෂගේ සහ නාගරික සංවර්ධන හා නිවාස අමාත්‍යවරයා වූ අග්‍රාමාත්‍ය මහින්ද රාජපක්ෂගේ උපදෙස් පරිදි එම ව්‍යාපෘතිය ක්‍රියාතමක කර තිබිණි.
