තුන්වැනි වර කියවීමේ විවාදයේදී අයවැය සංශෝධනයක් මගින් වෛද්‍යවරුන්ගේ ඉල්ලීම්වලට විසඳුම් ලබාදීම සම්බන්ධයෙන් රජයේ වෛද්‍ය නිලධාරීන්ගේ සංගමය ජනාධිපති අනුර කුමාර දිසානායකට සහ සෞඛ්‍ය අමාත්‍යවරයාට කෘතඥතාව පළකර තිබේ.

ජනමාධ්‍ය වෙත අදහස් දක්වමින් එම සංගමයේ මාධ්‍ය ප්‍රකාශක වෛද්‍ය චමිල් විජේසිංහ ප්‍රකාශ කළේ, සංගමයේ මූලික ඉල්ලීම සමග සමපාත වන විසඳුම මගින් රජයට කිසිදු අමතර මූල්‍ය බරක් පැටවෙන්නේ නැති බවයි.

ඒ වෙනුවට, වෛද්‍යවරුන් තම අමතර රාජකාරි සහ නිවාඩු ගෙවීම්වලින් තුනෙන් එකක් රටේ යහපත සඳහා දායක කිරීමට එකඟ වී තිබේ.

පළමුව අයවැය යෝජනාවල කොටසක් ලෙස වෛද්‍යවරුන්ගේ මූලික වැටුප් වැඩිකරන ලද නමුත් අතිරේක රාජකාරි සහ නිවාඩු වැඩ සඳහා ගෙවීම් ගාස්තු පැයකට 1/120 සහ දිනකට 1/30 දක්වා අඩුකරන ලදී.

මෙම සංශෝධනය සම්බන්ධයෙන් සිය නොසතුට පළකළ පත් රජයේ වෛද්‍ය නිලධාරීන්ගේ සංගමය, වඩාත් හිතකර විසඳුමක් සඳහා බලධාරීන් සමග සාකච්ඡා වට කිහිපයක් පැවැත්වීය.

මෙම සාකච්ඡාවලින් අනතුරුව, රටේ ආර්ථික අභියෝග සලකා බලා එම මුදලින් තුනෙන් දෙකක් පමණක් ගෙවමින්, අමතර රාජකාරි සඳහා පැයකට මූලික වැටුපෙන් 1/80ක් සහ නිවාඩු වැඩ සඳහා දිනකට 1/20ක් ලෙස කළින් ගණනය කළ පරිදිම පවත්වාගෙන යෑමට රජය ප්‍රතිපත්තිමය වශයෙන් එකඟ වී ඇත.

එමෙන්ම රජයේ වෛද්‍ය නිලධාරීන්ගේ සංගමය අවධාරණය කළේ, නම්‍යශීලී, සාකච්ඡා පදනම් කරගත් ප්‍රවේශයක් හරහා ගැටළුව විසඳා ඇති අතර එය වෛද්‍ය වෘත්තිකයන් ලද ධනාත්මක ප්‍රතිඵලයක් බවයි.