පරෙවි දූපතට බෝට්ටු සවාරියකින් යෑම සඳහා වනජීවී සංරක්‍ෂණ දෙපාර්තමේන්තුව විසින් නිකුත් කරන ලද ටිකට් පතක් රැගෙන පැමිණි ජර්මානු ජාතික සංචාරකයෙක් හට තම මුදල් ආපසු ගෙවීම සම්බන්ධයෙන් නිලධාරීන් සමඟ ගැටුමක් ඇතිකර ගන්නා අයුරු දැක්වෙන වීඩියෝවක් ලැව්ගින්නක් සේ සමාජ මාධ්‍ය වේදිකා ඔස්සේ පැතිර ගොස් ඇත.

පරෙවි දූපතට සංචාරකයන් රැගෙන යන බෝට්ටු 35ක් පමණ තිබෙන බවත්, ඔවුන්ගෙන් බහුතරය සමිතියකට අයත් පිරිසක් වන බවත්, සංචාරකයා විසින් සවාරිය වෙන්කරවා ගත් බෝට්ටුවේ හිමිකරු චතුරංග පෙරේරා සඳහන් කර ඇත.

එම සමිතියේ සාමාජිකයන් විසින් වෙනත් අයට සංචාරකයන් දිවයිනට රැගෙන යෑමට ඉඩ නොදෙන බවද ඔහු පවසයි.

ජූනි 22 වැනිදා බෝට්ටුව දියත් කරන අවස්ථාවේ උසාවි නඩුවක් ඇතුළු විවිධ හේතු දක්වමින් අනෙක් සාමාජිකයන් ඔවුන්ගේ ගමනට බාධා කර ඇත.

සිද්ධිය අතරතුර වනජීවී දෙපාර්තමේන්තුවේ නිළධාරීන්ගේ අලස හැසිරීම දැකීම කණගාටුවට කරුණක් වන්නේ, රුපියල් 23,851ක මුදලක් ගෙවා සංචාරකයාට සවාරිය අතහැර දැමීමට බලකිරීම නිසා යැයි ද ඔහු පවසයි.

කෙසේ වෙතත්, ඔහුගේ ව්‍යාපාරයේ නමින් ටිකට් පත නිකුත්කර තිබීම හේතුවෙන් සංචාරකයා වෙත මුදල් පියවීමට තමාට සිදු වූ බව චතුරංග පෙරේරා සඳහන් කරයි.

සංචාරකයා විසින් ටිකට් කවුන්ටරයේදී ටිකට් පතේ මුදල් ආපසු ඉල්ලා සිටීමත් සමඟ මෙම කලබලය ආරම්භ වූ බව ඔහු පවසයි.

ප්‍රවේශ පත්‍රය ආපසු ලබා දෙන ලෙස වනජීවී ප්‍රධානියාට ලිඛිතව දැනුම් දුන් නමුත්, අද වනතුරු යහපත් ප්‍රතිචාරයක් නොලැබුණු බවද ඔහු සඳහන් කර ඇත.

එමෙන්ම අදාළ බෝට්ටුවේ හිමිකරු නඩුවකට අදාළ සාක්ෂි ලබා ගැනීම සඳහා සංචාරකයන් ගසාකන බව උද්‍යාන භාරකරු මංජුල වෝරතැන්න සඳහන් කරයි.

මෙය ඇත්ත වශයෙන්ම සංචාරක කර්මාන්තයට විශාල පහරක් වන අතර, එය එහි ඍණාත්මක පැත්තක් නිරූපණය කරන බවද ඔහු පවසයි.

මුදල් ආපසු ලබාදිය හැකිද යන්න විමසූ විට ඔහු කියා සිටියේ, වනජීවී මූලස්ථානයෙන් මුදල් ආපසු ලබාදීම සඳහා අනුගමනය කළ යුතු ක්‍රියා පටිපාටියක් ඇති බවයි.

(Daily Mirror)