42.31%
17.27%
32.76%
September 11, 2023
G20 ලෝක නායකයන් විසින් ඝානාව සහ ශ්‍රී ලංකාව වැනි අඛණ්ඩ ණය ගැටලුවෙන් පීඩාවට පත්ව සිටින රටවල ගැටළු විසඳීමට කැපවී සිටින බව එක්සත් ජනපද ධවල මන්දිරය නිවේදනයක් නිකුත් කරමින් කියා සිටියේය.
ධවල මන්දිරය ප්‍රකාශ කරා ඇත්තේ, අඩු සහ මධ්‍යම ආදායම් ලබන රටවලට අර්බුදවලින් ගොඩඒමට සහ ඔවුන්ගේ ආර්ථික අඩිතාලම නැවත ලබාගත හැකි වන පරිදි, අර්ථවත් ණය සහන ලබාදෙන ලෙස ගෝලීය ආර්ථිකයේ නායකයකු ලෙස එක්සත් ජනපද ජනාධිපති ජෝ බයිඩන් ඉන්දියාවේදී රැස් වූ ජී 20 කණ්ඩායම වෙතින් ඉල්ලා සිටි බවයි.
“ඝානාව සහ ශ්‍රී ලංකාව වැනි රටවල පවතින ණය පීඩාකාරී තත්වයන් විසඳීම සඳහා වන පියවර දෙගුණ කිරීමේ උත්සාහයන් සඳහා නවදිල්ලියේ G 20 නායකයෝ කැපවී සිටිති. ඔක්තෝම්බර් මාසයේදී ලෝක බැංකුවේ සහ IMF වාර්ෂික රැස්වීම් මගින් එක්සත් ජනපදය අර්ථවත් ප්‍රගතියක් අපේක්ෂා කරන බව ජනාධිපති බිඩෙන් පැහැදිලි කළේය” යැයි ධවල මන්දිර ප්‍රකාශය පවසයි.
ධවල මන්දිරය ප්‍රකාශ කර ඇත්තේ, දිල්ලි නුවර පැවැත්වෙන G-20 සමුළුව වඩාත් දැවෙන ප්‍රශ්නවලට විසඳුම් ලබාදීමේ ප්‍රධාන ඉදිරි පියවරක් බවයි.
තිරසාර නොවන ණය පරිවර්තනීය ආයෝජන බවට පරිවර්තනය කිරීම සඳහා නව විසඳුම් ඉදිරිපත් කිරීමට සම්ප්‍රදායෙන් බැහැරව සිතාබලන ලෙස ජෝ බයිඩන් නායකයන්ගෙන් ඉල්ලා ඇත.
ජනාධිපති බයිඩන් සහ අගමැති මෝදි විසින් සම සත්කාරකත්වය දරන ලද උත්සවයකදී, බයිඩන් සහ හවුල්කරුවන් විසින්, ඉන්දියාව-මැදපෙරදිග-යුරෝපීය ආර්ථික කොරිඩෝව ප්‍රකාශයට පත් කරන ලද අතර, එය යුරෝපයේ සිට ආසියාවට සම්බන්ධ වීමේ නව යුගයක් ආරම්භ කරන අතර ගෝලීය වෙළඳාමට මෙන්ම සහයෝගීතාවයටද පහසුකම් සපයයි.
