බදුල්ල ප්‍රදේශයේදී ටිපර් රථයක් පෙරළීමෙන් පුද්ගලයන් සිව් දෙනෙකු ජීවිතක්ෂයට පත්ව තිබේ.

අද දහවල් 12.00 ට පමණ බදුල්ල – සොරණතොට බුදුගේ කන්ද මාර්ගයේ වැලිහිඳ ප්‍රදේශය ආසන්නයේදී මෙම අනතුර සිදුව ඇති බව වාර්තා වේ.

ලොරි රථයේ ගමන් කළ තවත් තිදෙනෙකු තුවාල ලබා බදුල්ල රෝහලට ඇතුළත් කර ඇති බව ද වාර්තා වේ.

මොනරාගල ප්‍රදේශයේ කම්කරුවන් පිරිසක් මාර්ග ඉදිකිරීම් කටයුතු සඳහා ටිපර් රථයේ යමින් සිට ඇති බව මූලික පරීක්ෂණ මගින් හෙළිවී තිබේ.

දැනට සැක පළ වී ඇත්තේ මාර්ගයේ අධික බෑවුම් සහිත ප්‍රදේශයකදී ටිපර් රථයේ තිරිංග අක්‍රීය වීම නිසා රියදුරාට එය පාලනය කරගැනීමට නොහැකි වී ඇති බවයි.