June 9, 2023
ත්‍රිරෝද රථවලින් ශ්‍රී ලංකාව පුරා සංචාරය කරමින් සිටි විදේශීය සංචාරකයන් පිරිසක් වන අලි ප්‍රහාරයකින් බේරීමට සමත්ව තිබේ.
මෙම සංචාරකයින් ත්‍රිරෝද රථවලින් පොළොන්නරුව ආශ්‍රිත ජාතික වනෝද්‍යානයක් නැරඹීමට යමින් සිටියදී මාර්ගය අයිනේ සිටි මෙම අලියා හමුවී ඇත.
මෙම විදේශීය සංචාරකයන් විසින් පසුව ප්‍රචාරය කළ වීඩියෝ දර්ශනවලින් පෙනී යන්නේ සංචාරකයන් අලියා කෝපයට පත් වීමට පෙර සත්වයා රැඳී සිටි ස්ථානය අසලම තම වාහන නැවැත්වූ බවයි.
එවිට අලියා ඔවුන් දෙසට පැමිණ, ඔවුන්ගේ ත්‍රිරෝද රථ දෙක පෙරළමින් යතුරුපැදියකටද පහරදෙමින් ප්‍රචණ්ඩ ලෙස හැසිරෙනු දක්නට ලැබේ.
සිද්ධිය වන අවස්ථාවේ එක් ත්‍රිරෝද රථයක් තුළ සිටි විදේශීය සංචාරකයන් දෙදෙනකු සුළු තුවාල ලබා බේරී ඇත.
