බදුල්ල, පුවක්ගොඩමුල්ල ප්‍රදේශයේදී අද මගී ප්‍රවාහන බස් රථයක් සහ ත්‍රිරෝද රථයක් මුහුණට මුහුණ ගැටී සිදුවූ අනතුරකින් එක් පුද්ගලයෙකු මියගොස් තවත් සිව්දෙනකු තුවාල ලබා තිබේ.

ශ්‍රී ලංකා ගමනාගමන මණ්ඩලයේ දෙහිඅත්තකණ්ඩිය බස් ඩිපෝවට අයත් මගී ප්‍රවාහන බස් රථයක් සහ ත්‍රිරෝද රථයක් ගැටීමෙන් මෙම අනතුර සිදුව ඇති බව පොලිසිය පවසයි.

අනතුරින් මියගොස් ඇත්තේ ත්‍රිරෝද රථයේ ගමන් ගත් පුද්ගලයෙකි.

තුවාල ලැබූ අනෙක් සිව්දෙනා ප්‍රතිකාර සඳහා රෝහල්ගත කර ඇති බව පොලීසිය සඳහන් කරයි.

අනතුරින් මියගොස් ඇත්තේ 79 හැවිරිදි පුද්ගලයෙකු බව වාර්තා විය.

ජල නල නඩත්තු කටයුතු සඳහා මාර්ගයේ එක් මංතීරුවක් අවහිර කිරීම හේතුවෙන් එම ප්‍රදේශයේ නිතර මාර්ග අනතුරු සිදුවන බවට ප්‍රදේශවාසීහු චෝදනා කරති.