පාදෙණිය – අනුරාධපුර මාර්ගයේ ගල්ගමුව ප්‍රදේශයේදී අද අලුයම වෑන් රථයක් මාර්ගයෙන් ඉවතට පැන ගසක ගැටීමෙන් එක් පුද්ගලයකු මියගොස් තවත් 13 දෙනකු තුවාල ලබා ඇත.

වෑන් රථයේ අවම වශයෙන් පුද්ගලයන් 15 දෙනකු පමණ ගමන් කරමින් සිට තිබේ.

අනුරාධපුරය බලා යමින් සිටියදී මීඔය අසලදී රියදුරුට රෝදයට නින්ද යෑම හේතුවෙන් රථය මාර්ගයෙන් ඉවතට පැන පෙරළී ගොස් ඇති බව පොලිසිය පවසයි.

පොලිසිය සඳහන් කළේ, එක් පුද්ගලයකු එම ස්ථානයේදීම මියගොස් ඇති අතර කාන්තාවන් 7 දෙනකු ඇතුළු 13 දෙනකු ගල්ගමුව රෝහලට ඇතුළත් කර ඇති බවයි.

බරපතල තත්ත්වයේ පසුවූ පුද්ගලයන් හත්දෙනෙකු වැඩිදුර ප්‍රතිකාර සඳහා අනුරාධපුර රෝහලට මාරුකර යවා ඇත.

මියගොස් ඇත්තේ ඇඹිලිපිටිය ප්‍රදේශයේ පදිංචි 69 හැවිරිදි පුද්ගලයෙකි.

සිද්ධිය සම්බන්ධයෙන් ගල්ගමුව පොලිසිය පරීක්ෂණ පවත්වයි.