සුළු වැරදි සඳහා අධිකරණයෙන් දඩ නියම වී එම දඩ මුදල් ගෙවාගැනීමට බැරි කාන්තාවන් වෙනුවෙන් සහ බන්ධනාගාරගත මව්වරුන් හේතුවෙන් ඒ තුළ සිටින දරුවන්ගේ සුබසාධනය උදෙසා ක්‍රියාත්මක විලාසිතා දැක්මක් ශ්‍රී ලංකාවේ පළමු වතාවට නීතිඥ කණ්ඩායමකගේ සහභාගිත්වයෙන් ඔක්තෝබර් 07 වැනිදා පැවැත්වේ.

කොළඹ ගාලුමුවදොර හෝටලයේ ‘අමෝර්‘ (AMOUR) සංවිධානය විසින් සංවිධාන කරනු ලබන Fashion for Freedom විලාසිතා දැක්ම මෙසේ පැවැත්වේ.

අධිකරණයෙන් දඩ නියම කොට එම දඩ මුදල් ගෙවා ගැනීමට මුල්‍යමය හැකියාවක් නොමැති වීම නිසා බන්ධනාගාරගතව සිටින කාන්තාවන් හට නෛතික සහ මුල්‍යමය දායකත්වයක් ලබා දී ඔවුන් ඉන් නිදහස් කර ගැනීම මෙහි අරමුණ බවයි එම සංවිධානයේ කැදවුම්කරු නීතිඥ නිරූපා සේරසිංහ මහත්මිය පැවසුවාය.

මෙම විලාසිත දැක්ම සදහා නීතිඥවරුන් 40ක් පමණ සහභාගීවන බවත් මේ දිනවල ඒ අයව පුහුණු කිරීම් කටයුතු සිදු කෙරෙන බවත් ප්‍රවීණ මෝස්තර නිරූපිකා චුලා පද්මේන්ද්‍ර කියා සිටියාය.