පකිස්තානයේ විවිධ ගොවි සංගම් සහ ගොවි ව්‍යාපාර සාමාජිකයින් මැයි 21 රටපුරා විරෝධතාවක් ප්‍රකාශයට පත් කර තිබේ.

ඒ, තිරිඟු වංචාවට සම්බන්ධ හිටපු භාරකාර අගමැති අන්වරුල් හක් කකාර්, ඊට සම්බන්ධ නිලධාරීන් සහ ආනයනකරුවන් වහා අත්අඩංගුවට ගැනීම ඇතුළු ඔවුන්ගේ ඉල්ලීම් පිළිගැනීම සඳහා ආණ්ඩුවට බලපෑම් කිරීම අරමුණු කර ගනිමින්.

මෙම ආනයනය හේතුවෙන් ගොවීන්ට සිදු වූ හානියට වන්දි ලබා දෙන ලෙසද ඔවුන් ඉල්ලා තිබේ.

ගොවි සංගම් සහ ව්‍යාපාරවල ඒකාබද්ධ රැස්වීමෙන් පසු මාධ්‍ය හමුවක් අමතමින් පකිස්ථාන කිසාන් රබිතා කමිටුවේ ප්‍රධාන ලේකම් ෆාරුක් තාරික් විසින් විවිධ සංවිධාන වෙනුවෙන් මෙම ඉල්ලීම මතු කරන ලදී.

මෙම රැස්වීමට පන්ජාබ්, සින්ද්, කයිබර් පක්තුන්ක්වා සහ බලෝකිස්තාන් යන ප්‍රදේශවල ගොවීන් සහභාගී විය.

තාරික් ෆාරුක් එහිදී තවදුරටත් පැවසුවේ, “පකිස්ථානය 2023 අගෝස්තු සිට 2024 මාර්තු දක්වා තිරිඟු ටොන් මිලියන 3.4 ක් ආනයනය කර රුපියල් බිලියන 330 ක් නාස්ති කර ඇති බවයි.

“ආනයනය කරන ලද තිරිඟු වල කෘමීන් ටොන් මිලියන 1.3 ක් ආසාදනය වී ඇති බව ද ඔහු පැවසුවේය.

තිරිඟු ආනයන වංචාවට සම්බන්ධ සියලු දෙනා වහා අත්අඩංගුවට ගත යුතු අතර ඔවුන්ගේ නඩු ඉහළ උසාවිවල විභාග කළ යුතු බව ද ගොවි සංගම් ඉල්ලා තිබේ.