April 20, 2024
හම්බන්තොට සැලසුම් කර ඇති තෙල් පිරිපහදුවක ධාරිතාව පුළුල් කිරීමට චීනයේ Sinopec සමාගම සමාගම තීරණය කිරීමෙන් පසු ඒ සඳහා අමතර ඉඩම් ලබා දීමට සහ ජල සැපයුම සහතික කිරීමට ශ්‍රී ලංකා රජය එම සමාගම සමඟ සාකච්ඡා කරමින් සිටින බව බලශක්ති අමාත්‍ය කංචන විජේසේකර පවසයි.
පිරිපහදුව සඳහා ජල සැපයුම ලබා දෙන්නේ කෙසේද යන්න පිළිබඳව කනස්සල්ලක් පවතින බව අමාත්‍යවරයා ඊයේ පැවැති මාධ්‍ය හමුවකදී පවසා තිබේ.
පිරිපහදුව සඳහා තවත් ඉඩම් අවශ්‍ය වන අතර ඒ සඳහා ආයෝජන මණ්ඩල ගිවිසුමක කොන්දේසි සංශෝධනය කරන බව ඔහු පැවසීය.
ශ්‍රී ලංකාවේ පාර්ශවයෙන් නිර්දේශ සහ තීරණ දැනටමත් යවා ඇති අතර Sinopec සමාගම මැයි මාසයේදී ඊට ප්‍රතිචාර දක්වනු ඇතැයි අපේක්ෂා කෙරෙන බව ද අමාත්‍යවරයා පවසා තිබේ.
“සියලු දෙනා එකඟ වූ පසු ගිවිසුම අත්සන් කිරීමට අපි බලාපොරොත්තු වෙනවා,” යනුවෙන් අමාත්‍ය කංචන විජේසේකර මාධ්‍ය හමුවේදී පවසා තිබේ.
ඊට අදාළ ප්‍රතිපත්තිමය ගිවිසුම් ජුනි මාසය වන විට අත්සන් කිරීමට බලාපොරොත්තු වන බවද ඔහු පැවසීය.
පිරිපහදුව දේශීය වෙළෙඳපොළ තුළ එහි නිෂ්පාදනයෙන් සියයට 10 ක් දක්වා අලෙවි කළ හැකිය. “කිසිදු දෙයක් මිලදී ගැනීමට රජයෙන් කිසිදු කැපවීමක් නැත” යනුවෙන් අමාත්‍ය කංචන විජේසේකර පවසා ඇත.
