JEDB ආයතනයට අයත් හන්තාන කඳුවැටියේ භුමි ප්‍රදේශයක නීතිවිරෝධී ලෙස ගස් කැපීම සම්බන්ධයෙන්, කොන්ත්‍රාත්කරුවකු සහ හන්තාන වතුයායේ උඩවෙල කොට්ඨාශයේ අධිකාරීවරයා මහනුවර අධිකරණයට ඉදිරිපත් කිරීමෙන් අනතුරුව පෙබරවාරි 14 වැනි දින දක්වා රක්ෂිත බන්ධනාගාරගත කර තිබේ.

JEDB ආයතනය මේ සම්බන්ධයෙන් තලාතුඔය පොලිසියේ පැමිණිල්ලක් ගොනුකර ඇති අතර, පසුව විමර්ශන මෙහෙයවන මහනුවර පොලිස් විශේෂ අපරාධ අංශයට යොමුකර ඇත.

චෝදනාව වන්නේ, හන්තාන කඳුවැටියෙන් මිය ගිය ගස් ඉවත් කිරීම සඳහා ගිවිසුමක් මගින් JEDB වෙත පවරා ඇති නමුත් ගිවිසුම් කාලය අවසන් වූ පසු, කොන්ත්‍රාත්කරුවන් විසින් උඩවෙල කොට්ඨාශයේ හන්තාන කඳුවැටියට හානි කරමින් මියගිය සහ ජීවමාන ගස් කපාදමා ඇති බවයි.

මේ සම්බන්ධයෙන් හන්තාන පරිසර ආරක්ෂණ සංවිධානය කියාසිටින්නේ එය හන්තාන කඳුවැටියේ වන සංහාරයක් බවයි.