මෙවර විදුලි ගාස්තු සංශෝධනයේදී සමස්ත විදුලි ගාස්තු අඩුවීම සියයට 3ක් බව ශ්‍රී ලංකා මහජන උපයෝගිතා කොමිෂන් සභාව සඳහන් කරයි.

ජූලි මාසයේ සිට බලපැවැත්වෙන පරිදි විදුලි ගාස්තු සංශෝධනය කිරීමට ලංකා විදුලිබල මණ්ඩලය පියවර ගෙන ඇති අතර, මහජන උපයෝගිතා කොමිසමේ අනුමැතිය යටතේ අදාළ ගාස්තු සංශෝධන ප්‍රකාශයට පත් කර ඇති බව වාර්තා වෙයි.

ඒ අනුව, පළමු ඒකක 30ට විදුලි ඒකකයක් සඳහා අය කරන ගාස්තුව සියයට 26.9කින් අඩු කරන බව මහජන උපයෝගිතා කොමිසම සඳහන් කරයි.

එසේම, 31-60 අතර පරිභෝජනය කරන ඒකක සඳහා ඒකකයකට අය කරන ගාස්තුව සියයට 10.8කින් ද ඒකක 31-60 සඳහා ගාස්තුව සියයට 7.2කින් ද 91-180 සඳහා ගාස්තුව සියයට 3.4කින් ද අඩු කිරීමට නියමිතය.

මීට අමතරව, ඒකක 180ට වැඩි කාණ්ඩයක් සඳහා විදුලි ඒකකයක් සඳහා අය කරන ගාස්තුව සියයට 1.3කින් අඩු කෙරේ.

ආගමික ස්ථාන සඳහා විදුලි ගාස්තු සියයට 3.2 කින් අඩු කිරීමට නියමිත බව ද මහජන කොමිෂන් සභාව සඳහන් කරයි.

මේ අතර, කර්මාන්ත, පොදු කාණ්ඩ, වීදි ලාම්පු සහ රාජ්‍ය ආයතන යන කාණ්ඩයේ විදුලි ගාස්තු ගාස්තුවල කිසිදු වෙනසක් සිදු නොවේ.

කෙසේ වෙතත්, මහජන උපයෝගිතා කොමිෂන් සභාවට අනුව හෝටල් කාණ්ඩය සඳහා විදුලි ගාස්තු සියයට 12.6කින් අඩු කෙරේ.