2025 වසර සඳහා විදුලි ගාස්තු අඩු කිරීම සම්බන්ධයෙන් ලබන සිකුරාදාට(17) පෙර තීරණයක් ගන්නා බව ශ්‍රී ලංකා මහජන උපයෝගිතා කොමිෂන් සභාව නිවේදනය කර තිබේ.

එම කොමිෂන් සභාවේ ආයතනික සන්නිවේදන අධ්‍යක්ෂ ජයනාත් හේරත්පවසන්නේ කොමිසම මේ වන විට මහජන ඉදිරිපත් කිරීම් සමාලෝචනය කරමින් සිටින බවයි.

මීට පෙර රජය වසරකට හතර වතාවක් විදුලි ගාස්තු සංශෝධනය කිරීමට යෝජනා කර තිබිණි.

කෙසේවෙතත්, 2023 දී ගාස්තු සංශෝධන තුන් වතාවක් සිදු වූ අතර 2024 දී සංශෝධන දෙකක් සිදු විය.

2025 දී රජය සංශෝධන හතරක් ඉලක්ක කළ ද එය ලංකා විදුලිබල මණ්ඩලයේ (CEB) යෝජනා මත රඳා පවතින බව හේරත් ප්‍රකාශ කළේය.

2024 ජූලි මාසයේදී ක්‍රියාත්මක කරන ලද අවසන් ගාස්තු සංශෝධනය සියලු අංශ සඳහා සැළකිව යුතු සහනයක් ලබා දුන්නේය.

ගෘහස්ථ අංශයට 27%ක අඩුවීමක් සහ ආගමික ස්ථානවලට 30%ක අඩුවීමක් ලැබිණි.

හෝටල් සහ කාර්මික අංශයට 25%ක අඩුවීමක් ලබා දී තිබිණි.

මෙම වෙනස්කම් සිදුකර තිබුණේ විවිධ පරිභෝජන මට්ටම් මත පදනම්ව මාසික ස්ථාවර ගාස්තු සහ ඒකක මිල ගණන් සඳහා ගැළපීම් සිදු කරමිනි.

2025 පළමු මාස ​​හය සඳහා වත්මන් ගාස්තු ව්‍යුහය පවත්වා ගැනීම සඳහා විදුලිබල මණ්ඩලයේ යෝජනාව ගෙනහැර දක්වමින් 2024 දෙසැම්බර් 17 වැනි දින මහජන උපයෝගිතා කොමිෂන් සභාව විසින් විදුලි ගාස්තු සංශෝධන ලේඛනය නිකුත් කරන ලදී.

මහජන සහභාගීත්වය සහතික කිරීම සඳහා, මහජන උපයෝගිතා කොමිෂන් සභාව විසින් 2024 දෙසැම්බර් මාසයේදී විදුලි ගාස්තු සංශෝධන පිළිබඳ මහජන උපදේශන ක්‍රියාවලියක් දියත් කරන ලදී.

රටේ පළාත් නවය පුරා ඉදිරිපත් කිරීම් 300කට අධික සංඛ්‍යාවක් ලැබීමත් සමඟ සිකුරාදා (10) වාචික උපදේශන සැසි අවසන් විය.

(The Sunday Morning)