ලොව පුරා සත්වෝද්‍යානයක ජීවත් වන වයස්ගතම ගෝරිල්ලා වන ෆැටූ, ඇගේ 68 වැනි උපන්දිනය සැමරීම සඳහා සූදානම් වෙමින් සිටී.

හෙටට යෙදෙන ඇගේ නිල උපන්දිනයට පෙරම බර්ලින් සත්වෝද්‍යානය ෆැටූට පලතුරු සහ එළවළු කූඩයක් ප්‍රදානය කළේය.

ෆැටූ 1957 දී උපත ලැබූ අතර 1959 දී බටහිර බර්ලිනයේ සත්වෝද්‍යානයට පැමිණ තිබේ.

ඇයට තවදුරටත් දත් නොමැති බැවින්, ඇගේ ආහාර මෘදු හා කෑමට පහසු ලෙස ලබාදීමට සත්වෝද්‍යාන පාලකයන් කටයුතු කරයි.

පශු වෛද්‍ය ඇන්ඩ්‍රේ ෂූල් පැවසුවේ ෆැටූට සත්වෝද්‍යානයේ දී හොඳම රැකවරණය ලැබෙන බවයි.

වයස අවුරුදු 4 සිට 39 දක්වා වයස්වල පසුවන සත්වෝද්‍යානයේ වඩාත් ඝෝෂාකාරී තවත් ගෝරිල්ලන් පස් දෙනෙකු ද සිටිය ද ඇය ඇගේම කුටියක ජීවත් වේ.

ගෝරිල්ලන්ට වනයේ අවුරුදු 35-40ක් පමණ ජීවත් විය හැකි අතර සත්වෝද්‍යානයකදී වැඩි කාලයක් ජීවත් විය හැකිය.

ඉන්ගෝ නම් ෆ්ලෙමින්ගෝගේ මරණයෙන් පසු ෆැටූ පසුගිය වසරේ සත්වෝද්‍යානයේ වයස්ගතම පදිංචිකරුවා බවට පත්විය.

ෆ්ලෙමින්ගෝ අවම වශයෙන් වයස අවුරුදු 75ක් පමණ වන බවට විශ්වාස කෙරෙන අතර 1955 සිට සත්වෝද්‍යානයේ ජීවත් විය.