සිවිල් ඇඳුමින් රාජකාරියේ යෙදී සිටින නිලධාරීන් පරීක්ෂා කිරීම් සඳහා වාහන නැවත්වීමට කටයුතු නොකරන ලෙසට වැඩබලන පොලිස්පති දේශබන්දු තෙන්නකෝන් විසින් සියලුම පොලිස් ස්ථාන වෙත නව උපදෙස් මාලාවක් නිකුත් කර තිබේ.

මෙම නව මාර්ගෝපදේශ ඊයේ දිනයේ සියලුම පොලිස් ස්ථාන වෙත බෙදා හැර ඇත.

නාරම්මල ප්‍රදේශයේ සිදු වූ ඛේදනීය සිදුවීමට ප්‍රතිචාර වශයෙන් මෙම මාර්ගෝපදේශ නිකුත් කර තිබේ.

සිවිල් ඇඳුමින් සැරසී සිටි උප පොලිස් පරීක්ෂකවරයකු ලොරි රථයක් නැවැත්වීමේදී අණ නොතකා ධාවනය කළ බව කියන ලොරිරථ රියදුරාට වෙඩි තැබීමේ සිද්ධිය සමාජයේ මහත් ආන්දෝලනයක් ඇති කර තිබේ.