හෙට දිනයේ පැවැත්වෙන 5 ශ්‍රේණිය ශිෂ්‍යත්ව විභාගයට බාධා එල්ල විය හැකි බැවින් එම කාලසීමාව තුළ මැතිවරණ ප්‍රචාරක කටයුතුවලින් වළකින ලෙස විභාග දෙපාර්තමේන්තුව දැනුම් දී තිබේ.

විභාග කොමසාරිස් ජනරාල් අමිත් ජයසුන්දර සියලුම ජනාධිපති අපේක්ෂකයන්ගෙන් ඉල්ලා සිටින්නේ හෙට පෙරවරුවේ විභාග මධ්‍යස්ථාන අසල ප්‍රචාරක කටයුතුවල නිරත වීමෙන් වළකින ලෙසයි.

2024 වසර වෙනුවෙන් 5 ශ්‍රේණිය ශිෂ්‍යත්ව විභාගය හෙට පැවැත්වෙන අතර, ඒ සඳහා විභාග මධ්‍යස්ථාන 2,849ක් පිහිටුවා ඇත.

මෙවර විභාගය සඳහා සිසුන් 320,879 දෙනෙකු පෙනී සිටීමට නියමිතය.