තුර්කි ගුවන් සේවය වසර දහයකට පසු ශ්‍රී ලංකාව සහ ඉස්තාන්බුල් අතර සෘජු ගුවන් ගමන් අද (30) ආරම්භ කළ බව ගුවන්තොටුපල සහ ගුවන් සේවා පෞද්ගලික සමාගම (AASL) සඳහන් කරයි.

ඒ අනුව එය දෙරට අතර සතිපතා ගුවන් ගමන් හතරක් ක්‍රියාත්මක වනු ඇත.

මංගල සෘජු ගුවන් යානය (TK 730) මගීන් 261 දෙනක් සමඟ පෙරවරු 5.41ට බණ්ඩාරනායක අන්තර්ජාතික ගුවන් තොටුපළට වෙත ගොඩ බස්වා තිබේ.

මෙම විශේෂ අවස්ථාව සැමරීම සඳහා, ගුවන්තොටුපල සහ ගුවන් සේවා පෞද්ගලික සමාගම විසින් සංවිධානය කරන ලද ජල ආචාරයක් සමඟින් පළමු සෘජු ගුවන් ගමන පිළිගෙන ඇති අතර, පැමිණෙන මගීන්ට ලොව හොඳම තේවලට සමාන ශ්‍රී ලංකා තේ මණ්ඩලයේ අනුග්‍රහය ඇති ලංකා තේ තෑගි ඇසුරුම්වලින් සංග්‍රහ කරන ඇත.