කොළඹ නගරයේ පිහිටි Steuart by Citrus හෝටලයේ පසුගිය සතියේ ඇති වූ ගින්නකින් පසු එය තාවකාලිකව වසා දමා ඇති බව සිට්‍රස් ලෙෂර් සමාගම නිවේදනය කරයි.

හානියේ ප්‍රමාණය තක්සේරු කර හානියට පත් ස්ථාන ප්‍රතිසංස්කරණය අවසන් වන තෙක් Steuart by Citrus හෝටලය තාවකාලිකව වසා දමනු ලැබූ බව සමාගම කොටස් හුවමාරු ගොනුවක සඳහන් කර තිබේ.

දෙසැම්බර් 5 වැනිදා සවස කොළඹ කොටුවේ පිහිටි Steuart by Citrus හෝටලයේ ඉහළ මහලක මෙම ගින්න හටගෙන තිබිණි.

කොළඹ ගිනි නිවීම් සේවා දෙපාර්තමේන්තුව විසින් ගින්න පාලනය කරන ලදී.

එම අවස්ථාවේ හෝටලයේ සිටි සියලුම අමුත්තන් සහ කාර්ය මණ්ඩලය ඉවත් කෙරුණු බව සිට්‍රස් ලෙෂර් සමාගම පැවසීය.

The Steuart by Citrus යනු සිට්‍රස් ලෙෂර් හි අනුබද්ධිත සිට්‍රස් සිල්වර් සමාගම විසින් කළමනාකරණය කරනු ලබන Citrus හෝටල් දාමයේ සාමාජිකයෙකි.