පොලිස්පති දේශබන්දු තෙන්නකෝන් මේ මස 10 වැනිදා දක්වා රක්ෂිත බන්ධනාගාරගත කර තිබේ.

ඒ, ඔහුට අදාළ නඩුව අද (3) මාතර මහේස්ත්‍රාත් අරුණ බුද්ධදාස ඉදිරියේ විභාගයට ගත් අවස්ථාවේදී කළ නියෝගයකට අනුවය.

දේශබන්දු තෙන්නකෝන් ඇතුළු හත්දෙනකු අත්අඩංගුවට ගැනීමට මාතර මහේස්ත්‍රාත් අධිකරණය පසුගිය පෙබරවාරි 28 වැනිදා වරෙන්තු නිකුත් කර තිබිණි.

ඒ, 2023 දෙසැම්බර් 31 වැනි දින මාතර වැලිගම ප්‍රදේශයේ හෝටලයක් අසලදී කොළඹ අපරාධ කොට්ඨාශයේ නිලධාරියකු වෙඩි වැදී මියයාමේ සිද්ධිය සම්බන්ධයෙනි.

දින 20ක් සැඟව සිටි දේශබන්දු තෙන්නකෝන් මාර්තු 19 වැනිදා මෝසමක් මගින් අධිකරණයට භාරවිය.