November 30, 2023
වැඩබලන පොලිස්පතිවරයා ලෙස පත්කෙරුණු ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් අද පෙරවරුවේ සිය කාර්යාලයේදී වැඩ භාරගත්තේය.
දේශබන්දු තෙන්නකෝන් වැඩබලන පොලිස්පතිවරයා ලෙස මාස තුනකට ජනාධිපතිවරයා ඊයේ පත්කළේය.
මේ අතර දේශබන්දු තෙන්නකෝන් වැඩබලන පොලිස්පතිවරයා ලෙස පත්කිරීම සම්බන්ධයෙන් ජනාධිපති රනිල් වික්‍රමසිංහ ආණ්ඩුක්‍රම ව්‍යවස්ථා සභාවට දැනුම් දී තිබේ.
වැඩබලන පොලිස්පතිවරයාගේ නම තමන්ට ඊයේ පස්වරුවේ ලැබුණු බව කථානායක මහින්ද යාපා අබේවර්ධන පැවැසීය.
ඒ අනුව එම පත්කිරීම සම්බන්ධයෙන් තීරණයක් ගැනීම සඳහා ආණ්ඩුක්‍රම ව්‍යවස්ථා සභාව කඩිනමින් රැස්කිරීමට බලාපොරොත්තු වන බව කථානායකවරයා ප්‍රකාශ කළේය.
