March 19, 2024
පේරාදෙණිය විශ්වවිද්‍යාලයේ පුරාවිද්‍යා අංශයේ මහාචාර්යවරයකුගේ අයිතිවාසිකම් කඩකිරීම සම්බන්ධයෙන් එම අංශයේ වැඩබලන ප්‍රධානී මහාචාර්ය ආනන්ද ජයවික්‍රමට එරෙහිව විනය ක්‍රියාමාර්ග ගත යුතු බවට ශ්‍රී ලංකා මානව හිමිකම් කොමිෂන් සභාව තීන්දු කර තිබේ.
මෙම තීන්දුව ලබාදී ඇත්තේ කොමිසමේ සභාපති හිටපු ශ්‍රේෂ්ඨාධිකරණ විනිසුරු එල්.ටී.බී. දෙහිදෙණිය හා කොමිසමේ සාමාජික නිමල් ජී පුංචිහේවා විසිනි.
ඉන්දීය විශ්වවිද්‍යාලයක් විසින් සංවිධානය කරන ලද අන්තර්ජාතික සම්මන්ත්‍රණයකට සහභාගීවීම වළක්වාලමින් පසුගිය මාසයේ පැවති එම උත්සවයට සහභාගී වීමට අනුමැතිය ලබාදීම පුරාවිද්‍යා අංශයේ සභාපති මහාචාර්ය ජයවික්‍රම විසින් හිතාමතා ප්‍රමාද කළ බවට මෙම පෙත්සම ගොනුකර තිබුණේ මහාචාර්ය එම්.ඩබ්ලිව්.සී.එන්.කේ.රඹුක්වැල්ල විසිනි.
ඉන්දියාවේ රාජස්ථාන් ප්‍රාන්තයේ මෝහන්ලාල් සුඛාඩියා විශ්වවිද්‍යාලය විසින් සංවිධාන කළ පෙබරවාරි 2 වැනිදා සිට පෙබරවාරි 5 වැනිදා දක්වා පැවැත්වුණු මෙම අන්තර්ජාතික සම්මන්ත්‍රණයේ මුලසුන දැරීමට නියමිතව තිබුණේ මහාචාර්ය රඹුක්වැල්ල විසිනි.
මහාචාර්ය රඹුක්වැල්ල දින නවයක නිවාඩු අයදුම්පත්‍රය ඔන්ලයින් ක්‍රමය හරහා පසුගිය ජනවාරි 19 වැනිදා දෙපාර්තමේන්තු ප්‍රධානියා වෙත ඉදිරිපත් කර තිබේ.
එය නියමිත කාල සීමාව තුළ හොඳින් සිදු වී ඇත.
වෙනත් ප්‍රමාදයන් සහ වෙනත් පරිපාලන වැරදි මාලාවක් හේතුවෙන් නියමිත වේලාවට නිවාඩු අනුමත කිරීමට නොහැකි වී ඇති බව මානව හිමිකම් කොමිෂන් සභාව සොයාගෙන ඇත.
ඒ අනුව 2024 මාර්තු 23 වැනි දිනට පෙර විනය ක්‍රියාමාර්ග ගන්නා ලෙසත් එහි ප්‍රගතිය පෙත්සම්කරුට සහ කොමිසමට දැනුම් දෙන ලෙසත් කොමිසම නිර්දේශ කර තිබේ.
42.31%
17.27%
32.76%
