අස්වැසුම ප්‍රතිලාභී නොවන පවුල්වල දරුවන් සඳහා පාසල් උපකරණ සහ ලිපිද්‍රව්‍ය මිලදී ගැනීම සඳහා රුපි‍යල් 6,000 ක දීමනාව ලබාදීමේදී එවැනි දරුවන් තෝරාගැනීම පාසල් මට්ටමින් සිදුකරන බවත්, තම පාසලේ සිටින මෙම සහනය ලැබිය යුතු දරුවන් සම්බන්ධයෙන් සොයාබලා ලේඛන සකස් කරන ලෙස පාසල්වල විදුහල්පතිවරුන්ට අවස්ථාව ලබා දී ඇති බවත් කැබිනට් ප්‍රකාශක අමාත්‍ය නලින්ද ජයතිස්ස පැවසීය.

අධ්‍යාපන අමාත්‍යංශය විසින් එම ලේඛනය සකස් කිරීමේ කටයුතු අවසන් කිරීමෙන් අනතුරුව සුදුසුකම් ඇති අනෙකුත් දරුවන්ට ද රුපියල් 6,000 දීමනාව හිමිවන බව අමාත්‍යවරයා පැවසුවේය.

එහිදී හිමිවන්නේ වවුචර් පතක් ද, නැතහොත් ගිණුමකට මුදල් බැරවන්නේ ද යන්න මුදල් අමාත්‍යංශය ඉදිරියේදී දැනුම් දෙන බව ද අමාත්‍යවරයා ප්‍රකාශ කළේය.