නුදුරේදීම සමගි ජන බලවේගයේ වෙනස්කම් රැසක් සිදුකිරීමට නියමිත බව එහි ප්‍රධාන ලේකම් රංජිත් මද්දුම බණ්ඩාර පවසයි.

දයාසිරි ජයසේකර මන්ත්‍රීවරයාද ළඟදීම තම පක්ෂය සමග එක්වන බවත්, නව දේශපාලන සන්ධානයක් නුදුරේදීම බිහිවන බවද හෙතෙම සඳහන් කළේය.

විපක්ෂ නායක කාර්යාලයේ පැවැති ජනමාධ්‍ය හමුවකට එක්වෙමින් මන්ත්‍රීවරයා සඳහන් කළේ, හිටපු ක්‍රීඩා ඇමැති රොෂාන් රණසිංහ සජබ සමග එක්වීම පිළිබඳව කිසිදු තොරතුරක් හෙළිකිරීමට තවමත් කල් වැඩි බවයි.

කෙසේ වෙතත්, විපක්ෂ නායක සජිත් ප්‍රේමදාස මහතා අනිවාර්යයෙන්ම මේ වසරේ ජනාධිපතිවරණයට ඉදිරිපත් වන බව හෙතෙම පැවැසීය.