52%
16.8%
23.9%
September 8, 2023
පාර්ලිමේන්තු මන්ත්‍රී දයාසිරි ජයසේකර ශ්‍රී ලංකා නිදහස් පක්ෂයේ මහලේකම් ධූරයෙන් ඉවත්කිරීම, ඉදිරි ජනාධිපතිවරණයේදී ශ්‍රී ලංකා නිදහස් පක්ෂය ජනාධිපති රනිල් වික්‍රමසිංහට සහාය දැක්වීමට ඇති විය හැකි බාධා ඉවත් කර ගැනීමේ උපායමාර්ගික පියවරක් ලෙස පෙනී යන බව ආරංචි මාර්ග සඳහන් කරයි.
ඉදිරි මැතිවරණයේදී ජනාධිපතිවරයාට සහාය දැක්වීමේ අදහසට දයාසිරි මන්ත්‍රීවරයා විරුද්ධ වී ඇති බව එම ආරංචි මාර්ග සඳහන් කරයි.
ශ්‍රීලනිපය වෙනත් අපේක්‍ෂකයෙක්ගේ නායකත්වයෙන් යුත් සන්ධානයක කොටසක් නොවී මැතිවරණයට සහභාගි විය යුතුය යන ස්ථාවරය ඔහු ඉදිරිපත් කර තිබේ.
මන්ත්‍රීවරයා ශ්‍රීලනිපයෙන් නෙරපීමට ආණ්ඩුවේ ඇමැති ධූර දරන ශ්‍රීලනිප මන්ත්‍රීවරුන් මූලික වී ඇතැයි තතු දත් ආරංචි මාර්ග පවසයි.
දේශපාලන පක්‍ෂයක විධිමත් තීන්දු තීරණවලට බලය පැවරෙන්නේ මහලේකම්වරයාවන අතර, සමාන අදහස් ඇති වෙනත් පක්ෂ සමඟ කුමන හෝ කටයුත්තකට එළඹීමේදී ඔහුගේ අත්සන ප්‍රධාන වේ.
පක්ෂයේ තීරණ සම්බන්ධයෙන් මැතිවරණ කොමිෂන් සභාව සහ පාර්ලිමේන්තු මහලේකම්වරයා සමඟ සන්නිවේදනය කිරීමට බලයලත් පුද්ගලයා ද මහලේකම්වරයා වේ.
ශ්‍රීලනිප මන්ත්‍රීවරුන්වන මහින්ද අමරවීර, ලසන්ත අලගියවන්න සහ දුමින්ද දිසානායක, එජාපයේ මීළඟ අපේක්ෂකයා ලෙස ජනාධිපතිවරයා ප්‍රවර්ධනය කිරීම සඳහා නිමල් ලාන්සා මන්ත්‍රීවරයා සම්බන්ධීකරණය කරන දේශපාලන කණ්ඩායම සමඟ සමීපව කටයුතු කරන අය අතර වේ.
