February 7, 2024
ව්‍යාජ ඉමියුනොග්ලොබියුලින් වංචාවට අදාළව සිදුකෙරෙන විමර්ශනවලදී ජාතික ඖෂධ නියාමන අධිකාරියේ (NMRA) භූමිකාව පිළිබඳව සොයාබැලීමට අපරාධ පරීක්ෂණ දෙපාර්තමේන්තුව අනුගමනය කළ මන්දගාමී පියවර පිළිබඳව රජයේ වෛද්‍ය නිලධාරීන්ගේ සංගමය ප්‍රශ්න කරයි.
“ප්‍රසම්පාදන ක්‍රියාවලියේදී ජාතික ඖෂධ නියාමන අධිකාරිය විසින් ඉටුකරන ලද කාර්යභාරය පිළිබඳව ප්‍රධාන අවධානය යොමුකරන ලෙස අපි නීතිය ක්‍රියාත්මක කරන බලධාරීන්ගෙන් ඉල්ලා සිටිමු” යනුවෙන් රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක වෛද්‍ය චමිල් විජේසිංහ පවසයි.
2023 ඔක්තෝම්බර් 3 වැනි දින මාධ්‍ය නිවේදනයක් නිකුත් කරමින් ජාතික ඖෂධ නියාමන අධිකාරියේ හිටපු සභාපති මහාචාර්ය එස්.ඩී.ජයරත්න හෙළිදරව් කළේ, ඉමියුනොග්ලොබියුලින් ආනයනය කිරීමේදී රේගු නිෂ්කාශනය සඳහා ව්‍යාජ ලේඛන යොදාගෙන ඇති බවත්, එය ඖෂධයේ තත්ත්ව පරීක්ෂණ අසාර්ථක වීමට හේතු වූ බවත්ය.
කෙසේවෙතත්, මේ සම්බන්ධයෙන් අපරාධ පරීක්ෂණ දෙපාර්තමේන්තුව මෙතෙක් ඔහුගෙන් ප්‍රකාශයක් සටහන් කරගෙන නොමැත.
නියමිත ක්‍රියා පටිපාටි මගහරිමින් ඉන්දියාවේ සිට ශ්‍රී ලංකාවට ආනයනය කරන ලදැයි කියූ මෙම ව්‍යාජ ඖෂධවලට අදාළ කාණ්ඩය අත්හිටුවන බව NMRA නිවේදනය කිරීමත් සමඟ උද්ගතවූ මතභේදය 2023 ඔක්තෝබර් දක්වා දිව යයි.
42.31%
17.27%
32.76%
