බස්නාහිර පළාත් හිටපු ආණ්ඩුකාර අසාද් සාලි ත්‍රස්තවාදය වැළැක්වීමේ පනත යටතේ 2021 දී අත්අඩංගුවට ගෙන රඳවා තබා ගැනීම නීති විරෝධී බව ශ්‍රේෂ්ඨාධිකරණය තීන්දු කර තිබේ.

විත්තිකරුට රුපියල් 75,000ක වන්දියක් ගෙවන ලෙස ද අධිකරණය නියෝග කළේය.

වගඋත්තරකරුවන් ලෙස හිටපු මහජන ආරක්ෂක ඇමැති සරත් වීරසේකර සහ එවක අපරාධ පරීක්ෂණ දෙපාර්තමේන්තුවේ අධ්‍යක්ෂවරයා ද ඇතුළත් වේ.

අසාද් සාලි 2021 මාර්තු 16 වැනි දින, ත්‍රස්තවාදය වැළැක්වීමේ පනත යටතේ අත්අඩංගුවට ගනු ලැබුවේ, 2021 මාර්තු 9 වැනි දින ජනමාධ්‍ය හමුවකදී ඔහු කළ ප්‍රකාශයක් ‘ආගමික කණ්ඩායම් අතර ආරවුල් ඇති කරන’බවට සැලකීමෙන් පසුවය.

මාස නවයකට ආසන්න කාලයක් රඳවා තබා ගැනීමෙන් පසු 2021 දෙසැම්බර් 2 වැනි දින ඔහුට එරෙහිව ගොනු කරන ලද සියලුම චෝදනාවලින් කොළඹ මහාධිකරණය විසින් ඔහු නිදොස් කොට නිදහස් කරන ලදී.