2022 වසරේ ජූලි මස 09 වැනිදා ජනා­ධි­පති ලේකම් කාර්යා­ල­යට අර­ග­ල­ක­රු­වන් ලෙස ඇතුළුවීමේ සිද්ධියේ ඇප මත මුදාහැර ඇති ප්‍රවීණ රංග­න­වේ­දිනි දමිතා අබේ­රත්න සහ කාන්තා­වන් තිදෙ­නකුගේ රුධිර සාම්පල ඩී. එන්. ඒ. පරී­ක්ෂ­ණ­යක් සඳහා ලබන 21 වැනි රජයේ අධි­ක­රණ වෛද්‍ය­ව­රයා හමු­වට ඉදි­රි­පත් කරන ලෙස කොටුව මහේ­ස්ත්‍රාත් තිළිණ ගමගේ ඊයේ (15) නියෝග කෙළේය.

ජනා­ධි­පති ලේකම් කාර්යා­ලයේ තිබී හමු වූ සනී­පා­ර­ක්ෂක තුවා හය සම්බ­න්ධ­යෙන් විම­ර්ශන කිරී­මට රුධිර සාම්පල ලබාදෙන ලෙස සැක­කා­රි­යන් තිදෙ­නාට නියෝග කරන ලෙස කොළඹ උතුර අප­රාධ කොට්ඨා­ශය අධි­ක­ර­ණ­යෙන් සිදුකළ ඉල්ලීම සළකා බැලූ මහේ­ස්ත්‍රා­ත්ව­රයා මේ නියෝ­ගය සිදුකෙළේය.

මෙලෙස නියෝග නිකුත් කෙරුණේ දමිතා අබේ­රත්න, නෝනා මුරින් සහ සචිනි කෞශල්‍යා යන කාන්තා­වන් තිදෙ­නාට වේ.

මේ නඩුවේ 17 වැනි සැක­කරු ඇප මත මුදාහැර ඇති කොස්වතේ මහා­නාම හිමි සිවුරු හැර ඇති බවත්, ගිහි නම ගිහාන් දුමින්ද අම­ර­සිරි ලෙස නඩු ගොනු­වක් ඇතු­ළත් කරන ලෙසත්, පොලි­සිය අධි­ක­ර­ණ­යෙන් ඉල්ලා සිටි­යේය.

ඇප මත මුදාහැර ඇති 15 වැනි සැක­කරු මංගල පුෂ්ප­කු­මාර යන අයට අද දිනම මෝදර උතුර කොළඹ අප­රාධ කොට්ඨා­ස­යට ප්‍රකා­ශ­යක් දෙන ලෙස නියෝග කළ මහේ­ස්ත්‍රා­ත්ව­රයා අධි­ක­ර­ණයේ පෙනීනොසිටි තුවාන් සෆ්රාස් යන අයටද වරෙන්තු නිකුත් කෙළේය.

මේ නඩුවේ ඇප මත මුදාහැර ඇති සැක­ක­රු­වන් වන රතිදු සේනා­රත්න නොහොත් රැට්ටා , දුමින්ද නාග­මුව, ජෝසප් ස්ටාලින්, වසන්ත සම­ර­සිංහ, වසන්ත මුද­ලි­ගේ­ජී­වන්ත පීරිස් පිය­තුමා ඇතුළු සැක­ක­රු­වන් 41 දෙනෙක් අධි­ක­ර­ණයේ පෙනීසිටි­යේය.

නීති­පති උප­දෙස් සඳහා ලබන ජූලි මස 26 වැනි දා යළි කැඳ­වන ලෙස කොටුව මහේ­ස්ත්‍රාත් තිළිණ ගමගේ ඊයේ( 15) නියෝග කෙළේය.(දිනමිණ)