දීඝදන්තු 1 හස්තියාගේ හදිසි මරණයෙන් රටට වසරකට ආසන්න වශයෙන් රුපියල් මිලියන 90ක පමණ පාඩුවක් සිදුවන බව පරිසරවේදී නයනක රන්වැල්ල ප්‍රකාශ කරයි.

ජනමාධ්‍ය වෙත අදහස් දක්වමින් ඔහු කියාසිටියේ, ඇතැම් විදේශීය සංචාරකයන් මෙම හස්තියා නැරඹීම සඳහා විශේෂයෙන්ම විශාල දුරක් ගමන් කරමින් පැමිණෙන බවයි.

කැකිරාව කලාවැව, බළලු වැව, හොරපොළ ප්‍රදේශවල මෙම හස්තියා ජීවත් විය.

ඉඟුරු වැව ප්‍රදේශයේදී අනවසර විදුලි වැටක පැටළී හස්තියා පසුගියදා මියගොස් සිටියදී සොයාගැනිණි.

මීට වසර දෙකකට පෙර දීඝදන්ත 2 ඇතා තවත් හස්තියකුගේ ප්‍රහාරයකින් මියගියේය.

දීඝදන්තු 1 සහ දීඝදන්තු 2 යන හස්තීන් දෙදෙනාම කලාවැව ප්‍රදේශයට සංකේත වූ අතර, එම සත්වයන්ගේ සුන්දරත්වය සංචාරකයන් ආකර්ෂණය කරගැනීම සඳහා ප්‍රසිද්ධ වී තිබිණි.