මෑතකදී පොල්තෙල් මිල ඉහළ යෑම පිළිබඳව සොයාබලන ලෙස පාරිභෝගික අයිතීන් පිළිබඳ ක්‍රියාකාරීන්, පාරිභෝගික කටයුතු අධිකාරියෙන් ඉල්ලා තිබේ.

ශ්‍රී ලංකා මහ බැංකුවේ බ්‍රහස්පතින්දා (20) දිනැති දෛනික මිල වාර්තාවට අනුව පිටකොටුවේ පොල්තෙල් ලීටරයක තොග මිල රුපියල් ​​666 කි.

පොල්තෙල් සිල්ලර මිල ද ඉහළ ගොස් ඇති අතර පිටකොටුවේ ලීටරයක මිල රුපියල් 733ක් සහ නාරාහේන්පිට පොල්තෙල් ලීටරයක මිල රුපියල් ​​593ක් ලෙස වාර්තා විය.

පාරිභෝගික අයිතීන් සුරැකීමේ ජාතික ව්‍යාපාරයේ සභාපති රංජිත් විතානගේ පාරිභෝගික කටයුතු අධිකාරිය මෙම මිල වැඩිවීම්වලට විසඳුම් සෙවීමට අපොහොසත් වීම විවේචනය කර ඇත.

ඔහු පවසන්නේ, පොල්තෙල් ලීටරයක මිල රුපියල් 150 ත් රුපියල් 200 ත් අතර මුදලකින් ඉහළ ගොස් ඇති බවයි.

එබැවින් ඒ සඳහා හේතු සොයාබලන ලෙස ඔහු පාරිභෝගික කටයුතු අධිකාරිය වෙතින් ඉල්ලා සිටියි.

“අතීතයේදී රජය පොල්තෙල් සඳහා ස්ථාවර මිලක් සාර්ථකව පවත්වා ගෙන ගිය අතර පාම් ඔයිල් සමඟ මිශ්‍ර කිරීම නතර කළා,” රංජිත් විතානගේ පවසයි.

“කෙසේවෙතත්, මිල ඉහළ යන අතරතුර පාරිභෝගික කටයුතු පිළිබඳ අධිකාරිය දැන් අක්‍රියයි. නිලධාරීන් ප්‍රමුඛ පෙළේ පොල්තෙල් නිෂ්පාදකයන්ගේ ගබඩා පහසුකම් පරීක්ෂා කරනවා වෙනුවට ඔවුන් සමඟ සාකච්ඡා කරනවා.” ඔහු සඳහන් කරයි.

මේ සම්බන්ධයෙන් කඩිනම් ක්‍රියාමාර්ගයකට එළඹීමේ අවශ්‍යතාවය ද රංජිත් විතානගේ අවධාරණය කරයි.

“සැබෑ හිඟයක් තිබේද නැතහොත් නිෂ්පාදකයින් සහ ආනයනකරුවන් මිල ඉහළ නැංවීම සඳහා කෘතිම හිඟයක් ඇති කරන්නේද යන්න අපි තීරණය කළ යුතුයි. පාරිභෝගික කටයුතු පිළිබඳ අධිකාරිය විසින් සාකච්ඡා වල නියැලීම වෙනුවට ගබඩා පරීක්ෂා කළ යුතුයි” රංජිත් විතානගේ පවසයි.

පොල්තෙල් රුපියල් 400 සිට රු. 600 සිට දක්වා ඉහළ යෑම පෙන්වා දෙමින් ඔහු පවසන්නේ, ශ්‍රී ලංකාවේ පොල්තෙල් අවශ්‍යතාවයෙන් 95% ක් මහා පරිමාණ නිෂ්පාදනයෙන් සහ ආනයනය කිරීමෙන් සපුරා ගන්නා බවයි.

කිසිදු බදු වැඩිවීමක් හේතුවෙන් මෙම මිල වැඩිවීමට සිදු නොවන බැවින් මෙම ගැටළුව පිළිබඳව සොයා බලන ලෙස ඔහු පාරිභෝගික අධිකාරියෙන් ඉල්ලා සිටියි.

මෙම මිල ඉහළ දැමීම හේතුවෙන් දිවයින පුරා විසිරී සිටින පාරිභෝගිකයන් ලක්ෂ ගණනකට ඔවුන්ගේ අයිතීන් උල්ලංඝණය වෙමින් බලපා ඇති බව ද පාරිභෝගික අයිතීන් සුරැකීමේ ජාතික ව්‍යාපාරයේ සභාපති රංජිත් විතානගේ සඳහන් කරයි.(Sunday Morning)