රුපියල් මිලියන 150ක මූල්‍ය වංචාවක් සම්බන්ධයෙන් අවශ්‍යව සිටින සැකකාරියකගේ ඡායාරූපයක් අපරාධ පරීක්ෂණ දෙපාර්තමේන්තුව (CID) නිකුත් කර තිබේ.

පොලිසිය පැවසුවේ, රුපියල් මිලියන 150ක වටිනාකමකින් යුත් ඉඩමක් ව්‍යාජ ලේඛන භාවිත කර ලබාගෙන ඇති බවට ලැබුණු පැමිණිල්ලකට අනුව අපරාධ පරීක්ෂණ දෙපාර්තමේන්තුව මෙම විමර්ශන ආරම්භ කර ඇති බවයි.

මෙම කාන්තාව වෙනත් අයෙකු ලෙස පෙනීසිටිමින් ව්‍යාජ ඔප්පුවකට අත්සන් කර ඇති බව විමර්ශකයින් සොයාගෙන ඇත.

සැකකාරිය සම්බන්ධයෙන් තොරතුරක් දන්නේ නම් වාණිජ අපරාධ විමර්ශන ඒකකයේ 0112-2434504 හෝ අපරාධ පරීක්ෂණ දෙපාර්තමේන්තුවේ මෙහෙයුම් මැදිරිය 0112-2422176 අමතන ලෙස පොලිසිය මහජනතාවගෙන් ඉල්ලා සිටියි.