ගන්දර පොලිස් බලප්‍රදේශයේ දෙවිනුවර පන්සල අසල පසුගිය දා සිදු වූ ද්විත්ව ඝාතනයට භාවිත කළ බවට සැක කෙරෙන T56 ගිනි අවියක් සහ මැගසිනයක් අපරාධ පරීක්ෂණ දෙපාර්තමේන්තුව විසින් සොයාගෙන ඇත.

රැඳවුම් නියෝගයක් යටතේ දැනට එම දෙපාර්තමේන්තුව අත්අඩංගුවේ පසුවන සැකකරුවකුගෙන් කළ ප්‍රශ්න කිරීමෙන් පසු, කැකණදුර ප්‍රදේශයේ කුලියට ගත් නිවසක තිබී අද (12) දින මෙම අවිය සොයා ගන්නා ලදී.

මාර්තු 21 වන දින සිදු වූ වෙඩි තැබීම සම්බන්ධයෙන් විමර්ශනය අපරාධ පරීක්ෂණ දෙපාර්තමේන්තුවේ මිනීමැරුම් සහ සංවිධානාත්මක අපරාධ විමර්ශන අංශය විසින් සිදු කරනු ලබයි.

සිද්ධියට සම්බන්ධ අනෙකුත් සැකකරුවන් අත්අඩංගුවට ගැනීමට ද නියමිතව තිබේ.