උසස් මට්ටමේ උත්සවයක් සංවිධානය කිරීමට බලාපොරොත්තුවෙන් සිටින සැමට, Cosmic by Citrus වෙතින් පෙර නොවූ විරූ ස්ථානයක් සූදානම් කොට තිබේ.

දකුණු ආසියාවේ උසම උත්සව ශාලාව ලෙසින් විරුදාවලි ලත් කොළඹ නෙළුම් කුළුණ තුළ පිහිටා ඇති මෙම උත්සව ශාලාව නිෂ්පාදන හඳුන්වාදීම්, සම්මන්ත්‍රණ, පුහුණු වැඩසටහන්, කොක්ටේල් උත්සව, ප්‍රදර්ශනයන්, මංගල උත්සව, පෞද්ගලික සාද සහ පෞද්ගලික උත්සව සඳහා සුදුසු වනු ඇත.

කොළඹ නගරයේ අංශක 360ක සුන්දර දසුන් නැරඹීමට ඉඩ සලසන, අමුත්තන් 280 ක් දක්වා අසුන් ගැනීමේ පහසුකම්වලින් සහ හොඳින් අවකාශය ඇති රථ ගාලක සේවාව ද මෙම ස්ථානය මගින් සපයනු ලැබේ.

මෙම ස්ථානය ඕනෑම ආයතනික උත්සවයක් හෝ වැඩසටහනක් සඳහා අවශ්‍ය සියලු ම පහසුකම්වලින් සමන්විත වන අතර, මෙය කුඩා පිරිසක් සහභාගී වන වැඩසටහන් පවා කිසිදු බාධාවකින් තොරව සිදුකිරීමට අවශ්‍ය අති නවීන ඉලෙක්ට්‍රොනික උපාංග සහ පහසුකම්වලින් පරිපූර්ණ වේ.

වාර්ෂික සම්මන්ත්‍රණයක්, රාත්‍රි භෝජන සංග්‍රහයක්, හෝ විවාහ මංගල්‍යයක් ආදී කුමන ආකාරයක උත්සවයක් සංවිධානය කළත්, Cosmic හි සූපවේදි කණ්ඩායම විසින් උත්සවයේ ප්‍රමාණය කුමක් වුවත්, ඒ අවශ්‍යතා වෙනුවෙන්ම විශේෂයෙන් සැකසූ භෝජන වට්ටෝරුවකින් උත්සවය රසවත් කරනු ඇත.