රුපියල් බිලියන 6.671 ක වියදමින් මිලදී ගත් චීන ගුවන් යානාවල සැබෑ විකුණුම් මිල රුපියල් මිලියන 160ක් බව අනාවරණය වීමත් සමග නේපාල ගුවන් සමාගම අභියෝගාත්මක තත්ත්වයකට පත්ව ඇත.

මෙම ගුවන් යානාවල සැබෑ මිල නියම කිරීම සඳහා එක්සත් ජනපද සමාගමක් වන Aviation Asset Management International වෙත බාරදීමත් සමග මෙම වංචාව අනාවරණය වී තිබේ.

චීනයෙන් මිලදීගත් අදාළ ගුවන් යානා පහ රුපියල් මිලියන 160 කට අලෙවි කළ හැකි බව සමාගමේ වාර්තාව අනාවරණය කර ඇති අතර, එම යානාවල තාක්ෂණික ගැටළු රැසක් පවතින බවද හෙළිවී තිබේ.

Y-12 වර්ගයට අයත් ඉන් එක් ගුවන් යානයක් තවදුරටත් භාවිතයට ගතනොහැකි බව අනාවරණය වී ඇති අතර, Y-12 සහ MA-60 ගුවන් යානා දෙකක් ඒවායේ ගැටලුකාරී කොටස් ඉවත් කිරීමෙන් පසු රුපියල් මිලියන 38 කට පමණක් නැවත අලෙවි කළ හැකි බවට සමාගම නිර්දේශ කර ඇත.

මෙම තක්සේරු මතභේදය හේතුවෙන් MA-60 සහ Y-12 ගුවන් යානා දෙකේ සහ ඒවායේ කොටස්වල සැබෑ මිල රුපියල් මිලියන 212ක් ලෙස සටහන් වී තිබේ.

නේපාල ගුවන් සමාගම 2020 ජූලි මාසයේ සිට සිය මෙහෙයුම් කටයුතු නවතා ඇති අතර, චීන ගුවන් යානා අත්පත් කර ගැනීමේ සහ විකිණීමේ ක්‍රියාවලිය බහුවිධ ප්‍රමාදයන් සහ අභියෝගවලට මුහුණ දී ඇත.