October 30, 2023
චීන පාර්ලිමේන්තුව දරුවන් සහ පවුල් වෙනුවෙන් දේශප්‍රේමී අධ්‍යාපනය ශක්තිමත් කිරීම සඳහා නීතියක් සම්මත කර ඇති බව එරට රාජ්‍ය ජනමාධ්‍ය වාර්තා .කර ඇත.
දේශප්‍රේමී අධ්‍යාපන විසින් නීතිය දේශප්‍රේමී අධ්‍යාපනය ක්‍රියාත්මක කිරීම සඳහා නීත්‍යානුකූල සහතිකයක් ලබාදෙන බව Xinhua ප්‍රවෘත්ති ඒජන්සිය වාර්තා කර තිබේ.
“ඓතිහාසික ශුන්‍යවාදය” සහ “ජාතික සමගිය” වැනි මාතෘකා ඉගැන්වීම නව නීතියේ අරමුණ වී ඇත.
2024 ජනවාරි 01 දින සිට බලපැවැත්වෙන නව නීතිය, මධ්‍යම සහ පළාත් පාලන දෙපාර්තමේන්තු සඳහා මෙන්ම පාසල්වල සහ පවුල් සඳහා වන වගකීම් ගෙනහැර දක්වයි.
දේශප්‍රේමී අධ්‍යාපනය ඔස්සේ “අනෙකුත් රටවල ඉතිහාසයට සහ සංස්කෘතික සම්ප්‍රදායන්ට ගරු කරන අතර මානව ශිෂ්ටාචාරයේ සියලු විශිෂ්ට ජයග්‍රහණවලින් ආශ්වාදයක් ලබා ගන්නා” බව නව නීතියෙන් පැහැදිලි කර ඇත.
චීනයට අයත් විශේෂ පරිපාලන ප්‍රදේශවල හොංකොං සහ මැකාවු මෙන්ම තායිවානයේ රජයේ නිලධාරීන්, සේවකයන්, ගම්වැසියන් සහ පදිංචිකරුවන් ඇතුළු විවිධ කණ්ඩායම් සඳහා නීතිය ඉලක්ක කර ඇති බව පැවැසේ.
