February 7, 2024
ශ්‍රී ලංකා හිටපු ජනාධිපතිනි චන්ද්‍රිකා බණ්ඩාරනායක කුමාරතුංග පොදුජන එක්සත් පෙරමුණේ නායකත්ව මණ්ඩලයේ ප්‍රධානියා ලෙස පත්කර තිබේ.
ශ්‍රීලනිප මාධ්‍ය ප්‍රකාශක තිසර ගුණසිංහ විසින් මෙම තීරණය ප්‍රකාශයට පත්කර ඇත්තේ අඟහරුවාදා (6) පොදුජන එක්සත් පෙරමුණේ ව්‍යවස්ථාව සංශෝධනය කිරීම සඳහා පැවති විධායක සභා රැස්වීමෙන් අනතුරුවය.
පොදුජන එක්සත් පෙරමුණ හෙවත් පොදුජන පෙරමුණේ ව්‍යවස්ථාව සංශෝධනය කරමින් ඉදිරි මැතිවරණ සඳහා පුළුල් සන්ධානයක් ලෙස පුටුව ලකුණින් තරග කිරීමට ශ්‍රී ලංකා නිදහස් පක්ෂයට අවස්ථාව ලබාදෙන ලදී.
සංශෝධිත ආණ්ඩුක්‍රම ව්‍යවස්ථාව යටතේ නායකත්ව මණ්ඩලයේ 25%ක නියෝජනයක් සහ කෘත්‍යාධිකාරී මණ්ඩලයේ 50%ක බලයක් ලබාගනිමින් ශ්‍රීලනිපය පොදුජන එක්සත් පෙරමුණ තුළ සුවිශේෂී කාර්යභාරයක් ඉටුකරනු ඇත.
තිසර ගුණසිංහ වැඩිදුරටත් ප්‍රකාශ කර ඇත්තේ, පොදුජන එක්සත් පෙරමුණ සඳහා නව නිලධාරී මණ්ඩලයක් පත්කිරීමට සැලසුම් කර ඇති බවයි.
පෙබරවාරි 22 වැනිදා පක්‍ෂයේ නව ලේකම්වරයකු තෝරා ගැනේ.
