ශ්‍රී ලංකා කාන්තා ජාතික ක්‍රිකට් කණ්ඩායමේ නායිකා චමරි අතපත්තු එංගලන්තයේ පැවැත්වෙන ‘ද හන්ඩ්‍රඩ්’ තරගාවලියේදී සිය මංගල තරගයට සහභාගි වීමට නියමිතය.

චමරි අතපත්තු තරගාවලියේදී ‘ඕවල්’ අපරාජිත කණ්ඩායමට ක්‍රීඩා කරනු ඇත.

ඇය පසුගියදා ශ්‍රී ලංකාව මංගල ආසියානු කුසලාන කිරුළ කරා ගෙන ගිය අතර, එහිදී පිත්තෙන් මෙන්ම පන්දුවෙන් ද පෙන්වූ ඇයගේ දක්ෂතාව වෙනුවෙන් තරගාවලියේ ක්‍රීඩිකාව ලෙස නම් කෙරිණි.

34 හැවිරිදි චමරි අතපත්තු විස්සයි20 තරග 139කදී ශ්‍රී ලංකාව නියෝජනය කර ඇති අතර සාමාන්‍ය 25.38ක් ලෙස ලකුණු 3,326ක් රැස්කරමින් 110.90ක ප්‍රහාරක වේගයක් රඳවාගෙන ඇත.