March 10, 2025
හිටපු කථානායක චමල් රාජපක්ෂ ශ්‍රී ලංකා පොදුජන පෙරමුණ පක්ෂය නියෝජනය කරමින් හම්බන්තොට දිස්ත්‍රික්කයෙන් පළාත් පාලන මැතිවරණයට තරඟ කරන බව නිවේදනය කර තිබේ.
ජනමාධ්‍ය වෙත අදහස් දක්වමින් චමල් රාජපක්ෂ පැවැසුවේ, ශ්‍රී ලංකා පොදුජන පෙරමුණ හම්බන්තොට දිස්ත්‍රික්කයෙන් තරඟ කිරීම සඳහා තරුණ අපේක්ෂකයන් විශාල වශයෙන් ඉදිරිපත් කිරීමට අදහස් කරන බවයි.
ශ්‍රී ලංකා පොදුජන පෙරමුණේ තරඟකරුවන් අතර කාන්තාවන් සහ තමා වැනි ජ්‍යෙෂ්ඨ පුද්ගලයන් ද සිටින බව ඔහු තවදුරටත් පැවැසීය.
දේශපාලනයේ ඉහළ පහළ යෑම් සිදුවිය හැකි බව පවසමින් චමල් රාජපක්ෂ සඳහන් කළේ, තමා නැවත වරක් පහළ සිට ආරම්භ කරන බවයි.
කෙසේවෙතත්, හිටපු කථානායකවරයා තමා තරඟ කරන්නේ කුමන පළාත් පාලන ආයතනයටදැයි හෙළිකළේ නැත.
