ලංකා විදුලිබල මණ්ඩලය විසින් මාස හතරේ සිට හය දක්වා කාලයක් සඳහා මෙගාවොට් 100ක් දක්වා හදිසි විදුලිය මිලදී ගැනීමට සැලසුම් සකස් කරමින් සිටින බව වාර්තා වේ.

පසුගිය සතියේ කැබිනට් මණ්ඩලය විසින් විදුලිබල ක්ෂේත්‍රයේ ‘හදිසි අවස්ථාවක්’ ප්‍රකාශයට පත් කිරීමෙන් පසුව මෙම පියවර ගෙන ඇතැයි විදුලිබල මණ්ඩලයේ සභාපති නලින්ද ඉලංගකෝන්ට සඳහන් කරයි.

මෙම ප්‍රකාශය මගින් හදිසි පදනමක් මත රාජ්‍ය නොවන මූලාශ්‍රවලින් විදුලිය ලබා ගැනීම කඩිනම් කිරීමට අවශ්‍ය අවසරය සහ නියෝග ලංවීමට ලබාදී ඇත.

නොරොච්චෝලේ ගල් අඟුරු බලාගාරයේ ජල විදුලිය පහත වැටීමේ සහ ජනන ධාරිතාවක් අහිමිවීමේ බලපෑම අවමකර ගැනීමට විදුලිබල මණ්ඩලයට මෙය උපකාරවනු ඇති බව සභාපතිවරයා පවසයි.

සමනලවැව ජලවිදුලි ජලාශයෙන් කෘෂිකාර්මික කටයුතු සඳහා ජලය නිකුත් කිරීම මෙම අර්බුදයට හේතු වී තිබේ.

නොරොච්චෝලේ ජනන ඒකක තුනෙන් එකක නියමිත නඩත්තුව සහ තවත් ඒකකයක් හදිසියේ බිඳවැටීම නිසා ජාතික විදුලිබල පද්ධතියට බෙහෙවින් අවශ්‍ය ජනන ධාරිතාව ද අහිමිවී තිබේ.

මෙම අභියෝගාත්මක තත්ත්වය මඟහරවා ගැනීම සඳහා කැබිනට් මණ්ඩලය විසින් පත් කරන ලද සාකච්ඡා කමිටුව මේ වන විට සාකච්ඡා සූදානම් කරමින් සිටින බව සභාපතිවරයා පවසයි.

ලංවිම ක්ෂණික විදුලි ඉල්ලුමට පිළියම් යෙදීම සඳහා යෝජනා ඉදිරිපත් කරමින් දකුණු කලාපයේ ඒසීඊ පවර් මාතර, ඒසීඊ පවර් ඇඹිලිපිටිය සහ වී පවර් යන පෞද්ගලික බලාගාර තුන සම්බන්ධ කර ඇති බව ද ඔහු සඳහන් කර තිබේ.

මෙම බලාගාරවලින් දෙකක් යෝජනාවලට ප්‍රතිචාර දක්වා ඇති අතර, විදුලිබල මණ්ඩලය විසින් යෝජනා පිළිබඳ මූලික ඇගැයීමකින් පසුව, මණ්ඩලය විසින් කමිටුව වෙත යෝජනා ඉදිරිපත් කර ඇති බවත්, එම කමිටුව මේ වනවිට බලාගාර සමඟ සාකච්ඡා කරමින් සිටින බවත්, ඔහු සඳහන් කරයි.

ඊට සමාන්තරව විදුලිබල මණ්ඩලය පරිපූරක බල සැලසුම් කෙරෙහි අවධානය යොමු කරන බව ද ඔහු පෙන්වාදෙයි.