ලංකා විදුලිබල මණ්ඩලයේ රුපියල් බිලියනයක පමණ ණය, විදුලි ප්‍රතිසංස්කරණ යටතේ ජල විදුලිය සඳහා වගකිව යුතු සමාගම වෙත පැවරීමට සැලසුම් කරමින් සිටින බව වාර්තා වේ.

මෙම ප්‍රතිසංස්කරණ මගින් යෝජනා කරන්නේ ජල විදුලිය නිෂ්පාදනය පෞද්ගලික ආයෝජන සඳහා විවෘත නොකර රජයේ අයිතිය යටතේ පවත්වාගෙන යෑමයි.

වත්මන් විධිවිධාන යටතේ, ණය ප්‍රතිව්‍යුහගත කිරීමකට භාජනය වන අතර එය ජල විදුලි ඒකකයක් මත අමතර වියදමක් ලෙස සංස්ථාගත කරන බව අනාවරණය වී ඇත.

ජල විදුලිය ජාතික පද්ධති ක්‍රියාකරු විසින් මිලදී ගෙන සමාගම් වෙත බෙදා හරිනු ඇති බව ද වාර්තා වේ.

ජල පිරිවැයෙහි ආන්තික වැඩි වීමක් සමඟ වසර 20ක් පුරා පවතින ණය ගෙවීම සඳහා ණයක් ලබා ගැනීම සම්බන්ධ විකල්ප යෝජනාවක් තිබිණි.

එසේ වුවද ණය සෘජුවම ජල පිරිවැය බවට ප්‍රතිව්‍යුහගත කිරීම අවසන් විකල්පය බවට පත්කර තිබේ.

ණය ප්‍රතිපාදන විදුලි ගාස්තුවලට යන නමුත් ගාස්තු වැඩි නොකිරීමට විදුලිබල මණ්ඩලය සැලසුම් කර ඇති බව ද දැනගන්නට තිබේ.

මේ අතර, ආසියානු සංවර්ධන බැංකුවෙන් (ADB) මෑතකදී අනුමත කරන ලද අරමුදල්, ණය පියවීම සඳහා යොදවන්නේද යන්න පිළිබඳව කළ විමසීමකට පිළිතුරු දෙමින් විදුලිබල අංශයේ ප්‍රතිසංස්කරණ මහලේකම් අංශ ප්‍රධානී ආචාර්ය ප්‍රදීප් පෙරේරා සඳහන් කර ඇත්තේ සෘජු ආපසු ගෙවීම්වලට වඩා ණය ප්‍රතිව්‍යුහගත කිරීම කෙරෙහි අවධානය යොමුව ඇති බවයි.

මේ වන විට විදුලිබල මණ්ඩලයේ මුළු ණය ප්‍රමාණය ආසන්න වශයෙන් රුපියල් බිලියන 673.4කි.

විදුලිබල මණ්ඩලය 2013 සිට 2023 දක්වා රුපියල් බිලියන 412.1ක දැවැන්ත මූල්‍ය පාඩුවක් වාර්තා කර ඇති බවත් 2022 වසරේ වැඩිම වාර්ෂික පාඩුව රුපියල් බිලියන 203.5ක් ලෙස සටහන් වන බවත් විදුලිබල මණ්ඩලයේ වැඩබලන සාමාන්‍යාධිකාරී ඉංජිනේරු ආචාර්ය නරේන්ද්‍ර ද සිල්වා විසින් ශ්‍රී ලංකා මහජන උපයෝගිතා කොමිෂන් සභාවට මෑතකදී යවන ලද ලිපියක දක්වා තිබේ.

බදු සංශෝධන හරහා ණය කළමනාකරණය කිරීමට උත්සාහ කළද, මණ්ඩලය තවමත් මේ වසරේ අප්‍රේල් වන විට ගෙවිය යුතුව තිබූ ප්‍රධාන ශේෂය වන රුපියල් බිලියන 359ක් සමඟ පොරබදමින් සිටී.

ඊට ස්වාධීන බලශක්ති නිෂ්පාදකයන්, සාම්ප්‍රදායික නොවන පුනර්ජනනීය බලශක්ති සංවර්ධකයන් සහ විවිධ සැපයුම්කරුවන් වැනි ආයතනවලට ගෙවිය යුතු යුතු ණය ද ඇතුළත්ය.

( The Morning)