August 25, 2023
වෙළෙඳපොළ ණය පොළී අනුපාතික පහත වැටීම වේගවත් කිරීම සඳහා නව චක්‍රලේඛයක් අද (අගෝස්තු 25) ශ්‍රී ලංකා මහ බැංකුව විසින් නිකුත් කිරීමට නියමිතය.
ඒ අනුව, ණය පොළී අනුපාත මෑත කාලීන මුදල් ප්‍රතිපත්ති ලිහිල් කිරීම පිළිබිඹු කරන ක්‍රමවේදයන් පිළිබඳව අවධානය යොමු කරමින් අදාළ චක්‍රලේඛය අද නිකුත් කිරීමට නියමිත බව ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ සඳහන් කළේය.
මේ වසරේ දෙසැම්බර් මාසය වන විට පොළී අනුපාතවල අවම වශයෙන් 3% ක අඩුවීමක් අපේක්ෂා කිරීම ද මෙම ක්‍රමවලින් පිළිබිඹු වන බව ඔහු වැඩිදුරටත් පැවසීය.
ආචාර්ය වීරසිංහ මේ අදහස් පළ කළේ ඊයේ පස්වරුවේ මහ බැංකුවේ පැවැති ජනමාධ්‍ය හමුවකදීය.
ඒ අනුව සියලුම වාණිජ බැංකු අදාළ චක්‍රලේඛය අනුගමනය කරමින් ණය සහ තැන්පතු පොළී අනුපාත සකස් කළ යුතුය.
