ශ්‍රී ලංකාවේ මෙතෙක් ලැයිස්තුගත කර නොමැති එකම දේශීය වානිජ බැංකුව වන කාගිල්ස් බැංකුව, මූලික මහජන කොටස් නිකුතුවක් හරහා කොළඹ කොටස් වෙළෙඳපොළෙහි ලැයිස්තුගත කිරීමට තීරණය කර තිබේ.

මේ සඳහා කොළඹ කොටස් වෙළෙඳපොළෙහි මූලික අනුමැතිය ලැබී ඇති බව වාර්තා සඳහන් කරයි.

මෙහිදී කොටස් මිලියන 62.5 ක් නිකුත් කිරීමට සැලසුම් කර ඇති අතර එහිදී කොටසක මිල රුපියල් 08ක් ලෙසින් සඳහන් කර තිබේ.

ඒ අනුව, රුපියල් මිලියන 500 ක මුදලක් මෙම කොටස් නිකුතුව හරහා බැංකුව විසින් සම්පාදනය කරගැනීමට සැලසුම් කර ඇත.

මෙම මූලික මහජන කොටස් නිකුතුව 2023 දෙසැම්බර් 14 දින විවෘත වීමට නියමිතය.(AD)