යම් නීති මාලාවකට යටත්ව, ජනතාවට අනතුරක් නොවන ආකාරයෙන් බස් රථ සහ ත්‍රිරෝද රථ අලංකරණය කිරීම සඳහා අවසර ලබාදිය යුතු බව පාර්ලිමේන්තු මන්ත්‍රී ශ්‍රී ලංකා පොදුජන පෙරමුණේ ජාතික සංවිධායක නාමල් රාජපක්ෂ පවසයි.

බස් රථ හා ත්‍රිරෝද රථ අලංකරණය කිරීම වෙනම කර්මාන්තයක් මෙන්ම කලාවක් බවත් පවසන නාමල් රාජපක්ෂ පෙන්වාදෙන්නේ, ජනතාවට හානි නොවනවා නම් බස්රථ හා ත්‍රිරෝද රථ අලංකරණය කිරීමෙහි කිසිදු ගැටළුවක් නොමැති බවයි.

එමෙන්ම මාර්ග නීති කඩකිරීමට මෙන්ම ජනතාවට අපහසුතාවක් ගෙනදෙන ක්‍රියා සඳහා ඇති නීති එලෙසම ක්‍රියාත්මක කළ යුතු බවද නාමල් රාජපක්ෂ පවසයි.

එහෙත් ජනතාවට හානි නොවන ආකාරයට අලංකරණ කටයුතු සිදුකර ඇති බස්රථවලට හා ත්‍රිරෝද රථවලට සහනයක් ලබාදෙන මෙන් ඉල්ලා සිටින බවත් මන්ත්‍රීවරයා සඳහන් කරයි.

මාර්ග බලපත්‍රවලට පිටින් හා බස්රථ බලපත්‍රවලට පිටින් නොයන බස් රථ අලංකරණ කටයුතු සිදුකිරීම වරදක් නොවන බවද නාමල් රාජපක්ෂ වැඩිදුරටත් පවසයි.