January 21, 2025
එක්සත් රාජධානියේ දකුණු ආසියාව සඳහා වන වෙළඳ කොමසාරිස් හර්ජින්ඩා කන්ග් ජනවාරි 21 සිට 23 දක්වා ශ්‍රී ලංකාවේ සිය මංගල සංචාරය ආරම්භ කරයි.
ශ්‍රී ලංකාවේ බ්‍රිතාන්‍ය මහකොමසාරිස් කාර්යාලයට අනුව, හර්ජින්ඩා කන්ග්, කර්මාන්ත හා ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති සහ මුදල් හා සැලසුම් නියෝජ්‍ය අමාත්‍ය හර්ෂණ සූරියප්පෙරුම ඇතුළු ශ්‍රී ලංකා රජයේ ප්‍රධාන නිලධාරීන් හමුවනු ඇත.
එක්සත් රාජධානියේ වෙළඳ කොමසාරිස්වරයාගේ සාකච්ඡා එක්සත් රාජධානිය – ශ්‍රී ලංකා වෙළඳ සබඳතා ශක්තිමත් කිරීම, එක්සත් රාජධානියේ සමාගම් සඳහා ව්‍යාපාර කිරීමේ පහසුව හඳුනාගැනීම සහ දෙරටේම ආර්ථික වර්ධනයන්ට සහාය වීම සඳහා වැඩසටහන් ගවේෂණය කිරීම කෙරෙහි අවධානය යොමුකරනු ඇත.
